دەنگی حیزبەکان بەراورد بە هەڵبژاردنی ڕابردوو چەند زیاد و کەمی کردووە؟

ئاڤا نیوز

بەراورد بە هەڵبژاردنەکانی ڕابردوو، پارتی دەنگی بەڕێژەیەکی بەرچاو زیادی کردووە، کاتێک لەم هەڵبژاردنە ژمارەی دەنگەکانی ملیۆنی تێپەڕاند.

چیرۆکی سەرەکی: ڕۆژی سێشەممە، دەنگدانی گشتی بۆ پەرلەمانی عێراق بەڕێوەچوو، تێیدا پارتی دیموکراتی کوردستان وەک حیزبێکی گەورە و کاریگەر لە عێراق توانی زیاتر لە ملیۆن دەنگ بەدەستبهێنێت.

ژمارەکان وا دەڵێن: بەدواداچوونەکانی ئاڤا دەریدەخەن کە بەشێکی لایەنە کوردستانییەکان بەراورد بە هەڵبژاردنەکانی ڕابردوو زیادی کردووە، بەشێکیشیان بە پێچەوانەوە دەنگەکانیان کەمی کردووە بەمشێوەیە:

٠ پارتی لە هەڵبژاردنی 2021ـی پەرلەمانی عێراق 781 هەزار و 670 دەنگی بەدەستهێنابوو، لەم هەڵبژاردنە ملیۆنێک و 80 هەزار و 616 دەنگی هێناوە، زیاتر لە 300 هەزار دەنگ زیادی کردووە.

٠ یەکێتی لە هەڵبژاردنی 2021ـی پەرلەمانی عێراق 368 هەزار و 266 دەنگی بەدەستهێنابوو، لەم هەڵبژاردنە 537 هەزار و 259 دەنگی هێناوە، نزیکەی 200 هەزار دەنگ زیادی کردووە.

٠ نەوەی نوێ لە هەڵبژاردنی 2021ـی پەرلەمانی عێراق 233 هەزار و 834 دەنگی بەدەستهێنابوو، لەم هەڵبژاردنە 137 هەزار و 923 دەنگی هێناوە، نزیکەی 150 هەزار دەنگ کەمی کردووە.

٠ یەکگرتوو لە هەڵبژاردنی 2021ـی پەرلەمانی عێراق 108 هەزار و 10 دەنگی بەدەستهێنابوو، لەم هەڵبژاردنە 166 هەزار و 506 دەنگی هێناوە، نزیکەی 50 هەزار دەنگ زیادی کردووە.

٠ کۆمەڵی دادگەری لە هەڵبژاردنی 2021ـی پەرلەمانی عێراق 64 هەزار و 25 دەنگی بەدەستهێنابوو، لەم هەڵبژاردنە 49 هەزار و 749 دەنگی هێناوە، نزیکەی 15 هەزار دەنگ کەمی کردووە.