وەزارەتی دەرەوەی ژاپۆن هێرشی سەر کێڵگەی غازی کۆرمۆر شەرمەزار دەکات

ئاڤا نیوز

شاندێکی وەزارەتی دەرەوەی ژاپۆن لە کۆبوونەوەیان لەگەڵ سەرۆکوەزیران مەسرور بارزانی، هێرشی سەر کێڵگەی غازی کۆرمۆریان شەرمەزار کرد و هاوسۆزی خۆیان بۆ هەرێمی کوردستان دەربڕی. 

چیرۆکی سەرەکی: ئه‌مڕۆ سێشه‌ممه 12/2، مەسرور بارزانى سه‌رۆكى حکومەتی هه‌رێمى كوردستان، پێشوازی لە شاندێکی وەزارەتی دەرەوەی ژاپۆن کرد بە سەرۆکایەتيی ماسامیشی سوگایا، بەرپرسی ڕۆژهەڵاتی ناوەڕاست لە وەزارەتی دەرەوە.

زانیاریی زیاتر: لە کۆبوونەوەکەدا کە ئه‌كيرا ئيندۆ، باڵيۆزى ژاپۆن له‌ عێراق و ژمارەیەک لە بەرپرسانی وەزارەتی دەرەوەی ژاپۆن ئامادەی بوون، جەخت لە گرنگیی پەرەپێدانی زیاتری پەیوەندیی دوولایەنە کرایەوە.

ڕاگەیێنراوی فەرمی: بە گوێرەی بڵاوکراوەیەک کە ماڵپەڕی حکومەتی هەرێمی کوردستان بڵاویکردووەتەوە، شاندی ژاپۆنی هێرشی تیرۆریستی سەر کێڵگەی گازی کۆرمۆریان شەرمەزار کرد و هاوسۆزيی خۆیان لەگەڵ هەرێمی کوردستان دەربڕی، شاندەکە ستایشی ئارامی و پێشکەوتن و ئاوەدانیی هەرێمیان کرد و ئامادەیی بەهێزکردنی پەیوەندییەکانیان لەگەڵ هەرێمی کوردستان نیشان دا.

لەلایەکی دیکەوە: هەر لە ڕاگەیێنراوەکە هاتووە، سەرۆکی حکومەت ئاماژەی بە گرنگیی پەیوەندییەکانی هەرێمی کوردستان و ژاپۆن کرد و سوپاسی پشتیووانی و هاریکاریی حکومەتی ژاپۆنی کرد.

زانیاریی زیاتر: لە بەشێکی دیکەی کۆبوونەوەکەدا، دۆخی گشتیی عێراق دوای هەڵبژاردنی ئەنجوومەنی نوێنەران و هەوڵ و گفتوگۆی لایەنە سیاسییەکان بۆ پێکهێنانی حکومەتی نوێ تاوتووێ کرا، شاندەکە پیرۆزبایی سەرکەوتنی پرۆسەی هەڵبژاردن و ئەنجامەکانیان لە سەرۆکوەزیران کرد.