لێدوانی وتەبێژی حکومەتی کوردستان لەبارەی پشووی سەرتاسەری

ئاڤا نیوز

 

پێشەوا هەورامانی، وتەبێژی حکومەتی هەرێمی کوردستان بە ئاڤا میدیای ڕاگەیاند، دەسەڵاتی تەواو بەهەموو پارێزگاکان و ئیدارە سەربەخۆییەکان دراوە ئەگەر بیانەوێت پشوو ڕابگەیێنن.

 

وێنە گەورەکە: ئەمڕۆ سێشەممە شەپۆلێکی بەهێزی بارانبارین هەرێمی کوردستانی گرتەوە و لافاو دروست بوو، لە ناوچەی گەرمیان لە شاری چەمچەماڵ و ناحیەی شۆڕش شەپۆلەکە زۆر بەهێزبوو، کە بووە هۆی گیانلەدەستدانی سێ کەس، کە دوانیان خەڵکی چەمچەماڵ و کەسەکەی دیکەش کە منداڵێکی تەمەن 9 ساڵانە و خەڵکی ناحیەی لەیلانی سەر بە کەرکووکە گیانی لەدەست دا.

 

لێدوانی فەرمی: پێشەوا هەورامانی، وتەبێژی حکومەتی هەرێمی کوردستان لەکاتی بەشداریکردنی لە هەواڵەکانی سەعات حەوتی ئاڤا میدیا رایگەیاند، حکومەتی هەرێمی کوردستان دەسەڵاتی تەواوی داوە بە پارێزگار و ئیدارە سەربەخۆییەکان بۆ ئەوەی لەکاتی پێویست پشوو ڕابگەیێنن.

 

-حکومەت خۆی ئامادە کردووە لە ئەگەری ڕوودانی هەر پێشهاتێک تیمەکانی بەرگریی شارستانی ئامادەن و حکومەت ئامادەیە بۆ هەموو جۆرە هاوکارییەک

 

- سەبارەت بە لافاوە بەهێزەکەی ئەمڕۆ کە بووە هۆی گیان لەدەستدانی دوو کەس و برینداربوونی چەند هاوڵاتییەک، پێشەوا هەورامانی گوتی، بەداخەوەیەن بۆ ئەو ڕووداوانە پێشتریش هۆشداریمان لە ئەگەری درووستبوونی لافاو دابوو.

 

نوێ دەکرێتەوە..