نێچیرڤان بارزانی: پشتيوانيى ته‌واو بۆ خه‌ڵكى چه‌مچه‌ماڵ دووپات ده‌كه‌ينه‌وە

ئاڤا نیوز

 

نێچیرڤان بارزانی، سەرۆکی هەرێمی کوردستان پشتيوانيى ته‌واو بۆ خه‌ڵكى چه‌مچه‌ماڵ و زيانلێكه‌وتووانى لافاوه‌كه‌ دووپات ده‌كاتەوە و دەڵێت، لايه‌نه‌ په‌يوه‌نديداره‌كانى حكوومه‌تى هه‌رێمى كوردستان ڕاسپێردراون كه‌ به‌ هاناى لێقه‌وماوانه‌وه‌ بچن.

 

وێنە گەورەکە: لە 24 کاتژمێری ڕابردوودا شەپۆلێکی بەهێزی بارانبارین هەرێمی کوردستانی گرتووەتەوە و لە چەند شوێنێک بووەتە هۆی دروستبوونی لافاو بەتایبەت لە چەمچەماڵ. هاوکات  کەشناسیی کوردستان هۆشداری ئەوە دەدات لە 24 کاتژمێری داهاتوودا لە گەرمیان و پارێزگای هەڵەبجە مەترسیی دروستبوونی لافاو هەیە.

 

ڕاگەیێنراوی فەرمی: سەرۆکی هەرێمی کوردستان ڕایگەیاند، به‌ داخێكى زۆره‌وه‌ هه‌واڵى گيانله‌ده‌ستدانى دوو هاووڵاتى و برينداربوونى ژماره‌يه‌كى ديكه‌مان له‌ سنوورى قه‌زاى چه‌مچه‌ماڵ به‌هۆى لافاوه‌وه‌ پێگه‌يشت.

-پرسه‌ و سه‌ره‌خۆشيى قووڵم ئاراسته‌ى خانه‌واده‌ و كه‌سوكارى قوربانييان ده‌كه‌م، هاوسۆز و هاوخه‌ميانم. له‌ خواى مه‌زن داواكارم گيانى خوالێخۆشبووان به‌ به‌زه‌يى و ميهره‌بانيى خۆى شاد بكات و ئارامى و دڵنه‌وايى به‌ هه‌مووان ببه‌خشێت، هه‌روه‌ها هيواى زوو چاكبوونه‌وه‌ بۆ برينداران ده‌خوازم.

-لەم دۆخە نەخوازراوەدا، پشتيوانيى ته‌واومان بۆ خه‌ڵكى خۆشه‌ويستى چه‌مچه‌ماڵ و زيانلێكه‌وتووانى لافاوه‌كه‌ دووپات ده‌كه‌ينه‌وه‌. لايه‌نه‌ په‌يوه‌نديداره‌كانى حكوومه‌تى هه‌رێمى كوردستان ڕاسپێردراون كه‌ به‌ هاناى لێقه‌وماوانه‌وه‌ بچن و هه‌موو هه‌وڵێك بۆ پاراستنى گيان و ماڵى هاووڵاتيان و پێشكه‌شكردنى هاوكاريى پێويست، بده‌ن

 

باکگراوند؛ بەهۆی ئەو شەپۆلە بارانبارینە بەهێزەی ئەمڕۆ کە بووە هۆی دروست بوونی لافاو،  دوو کەس لە چەمچەماڵ و کەسێکی دیکەش لە ناحیەی گەیلان لە کەرکووک گیانیانی لەدەستدا. جگە لە زیانی گیانی هاوکات، زیانێکی زۆر بە ئۆتۆمبێل و خانووی هاونیشتمانیان لە ناوچە جیاجیاکانی کوردستان کەوت.