شەپۆلێکی بەفر و باران کوردستان دەگرێتەوە

ئاڤا نیوز

لە ئەمشەوەوە شەپۆلێکی سەختی بەفر و باران گەیشتووەتە هەرێمی کوردستان و تاوەکو ڕۆژی یەکشەممە لە زۆربەی ناوچەکان بەردەوام دەبێت.

لێدوانی فەرمی: شێخ دارا، شارەزا و پێشکەشکاری کەشوهەوای ئاڤا میدیا ڕایگەیاند: "ئەمشەو شەپۆلێکی سەختی بەفر و باران گەیشتووەتە هەرێمی کوردستان، کە تاوەکو ڕۆژی یەکشەممە بەردەوام دەبێت و هەموو ناوچەکان دەگرێتەوە؛ دوای ئەوە کەشوهەوا ئاسایی دەبێتەوە و پلەکانی گەرما ڕوو لە بەرزبوونەوە دەکەن."

زانیاریی زیاتر: بەپێی پێشبینییەکان، ئەم شەپۆلە تەنها هەرێمی کوردستان ناگرێتەوە، بەڵکو زۆربەی وڵاتانی دراوسێی ناوچەکەش لەژێر کاریگەرییدا دەبن.

دوای کۆتاییهاتنی ئەم بارانبارینە لە ڕۆژی یەکشەممەدا، کەشوهەوا بۆ ماوەیەکی کورت جێگیر دەبێت، بەڵام لە کۆتایی ئەم مانگە و سەرەتای مانگی داهاتوودا زنجیرەیەک شەپۆلی دیکەی باران و بەفر ڕوو لە کوردستان دەکەنەوە، کە ئەمەش یارمەتیدەر دەبێت بۆ شکاندنی ئەو سەرما توندەی کە لە چەند ڕۆژی ڕابردوودا ناوچەکەی گرتبووەوە و بووە هۆی کەمبوونەوەی شێی زەوی.