نرخی بەنزین لە هەرێمی كوردستان دادەبەزێت

ئاڤا نیوز 

 

وەزارەتی سامانە سروشتییەکان ڕایگەیاند، دوای بڕیاری هاوردەکردنی بەنزینی بازرگانی نزیکەی 50 دینار لە نرخی بەنزین دابەزیووە و چاوەڕێن لە چەند ڕۆژی داهاتوو زیاتر داببەزێت.

 

وێنە گەورەکە: ماوەی دوو هەفتە لە شارەکانی هەرێمی کوردستان نرخی بەنزین بەشێوەیەکی بەرچاو بەرز بووەوە، وەزارەتی سامانە سروشتییەکان بڕیاری نوێی بۆ ڕێگری لە بەرزبوونەوەی نرخەکە ڕاگەیاندووە.

 

ڕاگەیێنراوی فەرمی: وەزارەتی سامانە سروشتییەکان ئەمرۆ 10-9-2024 ڕایگەیاند: لەسەر راسپاردەی سەرۆکوەزیران بارزانی بڕیاری هاوردەکردنی بەنزینی بازرگانی درا، بەو هۆیەوە نرخی بەنزین 40 تا 50 دینار بۆ هەر لیترێک دابەزیووەو چاوەڕوان دەکرێت لەچەند ڕۆژی دیکە زیاتر دابەزێت.

 

باکگراوند: ڕۆژی 5-9-2024 وەزارەتی سامانە سروشتییەکان ڕایگەیاند، مۆڵەتییان داوە بەنزینی بازرگانی لە شارەکانی دیکەی عێراقەوە هاوردە بکرێت، ئەمەش بۆ ڕێگری لە بەرزبوونەوەی نرخی بەنزین.