دادگای ئەمریکا سکاڵای دژی سەرۆکوەزیران مەسرور بارزانی ڕەتکردەوە

ئاڤا نیوز 

 

دادوەری فیدراڵیی ئەمریکا لە واشنتن ئەو داوا و سکاڵایەی لە دژی مەسرور بارزانی و کەسوکارەکەی و هەر 63 کەسایەتی تۆمار کرابوو، بە تەواوی ڕەتکردەوە، بەهۆی بێ بنەمایی و ناڕاستی داواکان.

 

وێنە گەورەکە: ڕۆژی چوارشەممە 02-10-2024  دادوەر ڕاندۆلف مۆس، دادوەری فیدراڵیی ئەمریکا لە واشنتن، لە دانیشتنێکدا سەرجەم ئەو داوا و سکاڵایانەی ڕەتکردەوە کە لەلایەن کەسێکەوە سەرپەرشتی دەکرێن کە لە ئەڵمانیا لەلایەن دادگاوە سزای تاوانکاری بەسەردا سەپێنراوە.

 

زانیاریی بەدەستهاتوو: دادوەر مۆس لە دانیشتنی دادگادا، هۆشداری داوە، کە ئەگەر سکاڵاکاران لە دروستکردنی تۆمەتی بێ بنەما بەردەوامبن بە تووندترین شێوە سزا دەدرێن.

 

لەلایەکی دیکەوە: تیمی یاسایی نوێنەرایەتیی حکومەتی هەرێمی کوردستان لە ئەمریکا، جەختی کردووەتەوە، کە ئەم سکاڵایە شەڕێکی سیاسییە لە سەروبەری هەڵبژاردنی پەرلەمانی هەرێمی کوردستان و خراپ بەکارهێنانی دادگایە بۆ مەبەستی سیاسی.