ئاڤا دیجیتاڵ
جۆ بایدن، سەرۆکی ئەمریکا، ڕۆژی شەممە ڕێکەوتی 13ی کانوونی دووەمی 2024 لە کۆشکی سپییەوە گوتی "ویلایەتە یەکگرتووەکان نامەیەکی نهێنیی لە بارەی حووسییەکانەوە بە ئێران گەیاندووە، پێمان ڕاگەیاندوون کە حووسیەکان بەرپرسیارن لە هێرشکردنە سەر کەشتییە بازرگانییەکانی نێو دەریای سوور".
بۆچی گرنگە: لە وەڵامی هێرشەکانی حووسییەکانیدا بۆ سەر کەشتییە بازرگانییەکانی نێو دەریای سوور، چەند شەوێكە ئەمریکا و بەریتانیا بە یارمەتیی چەند وڵاتێکی تر، هێرشی ئاسمانیی دەكەنە سەر حووسییەکانی یەمەن، ئەوانیش لە بەرامبەردا هەڕەشەی ئەوەیان کرد کە "وەڵامێکی بەهێز و بەکاریان لە دژی ئەمریکا و هاوپەیمانەکانی" دەبێت، بەڵام واشنتن سوورە و بەڵێنی داوە کە کەشتییە بازرگانییەکانی نێو دەریای سوور لە دژی هەر هێرشێک کە ئێران لە پشتیەوە بێت، دەپارێزێت.
لێدوانی فەرمیی: جۆن کیربی وتەبێژی کۆشکی سپی لە هەمان ڕۆژدا لەو بارەیەوە ڕایگەیاند: "ئەم هێرشانە ئەو شوێنانەی کردووەتە ئامانج کە مووشەک و درۆنی حووسییەکانی تێدان و حووسییەکانیش ئەم مووشەک و درۆنانە بۆ هەڕەشە بەکار دەهێنن لەسەر کەشتییەکانی نێو دەریای سوور".
" بەڵام واشنتن خوازیاری هیچ جەنگێک نییە لەگەڵ یەمەندا". جۆن كێربی ئەوەشی گوت.
"نامەكەمان بەشێوەیەكی تایبەت نارد، ئێمە بڕوامان بەخۆمانە و بەباشی ئامادەین". سەرۆكی ئەمریكا ئەوەشی گوت.
زانیاری زیاتر:یەکەم هێرشی ئەمریکا و بەریتانیا و هاوپەیمانەكانیان بۆ سەر حووسییەکان، ڕۆژی هەینی ڕابردوو جێبەجێ کرا، پێکهاتبوو لە پێکانی دەیان دامودەزگای حووسییەکانی یەمەن.
جۆ بایدن لە ساڵی 2021دا ناوی حووسییەکانی لە لیستی «ڕێکخراوە تیرۆریستییەکان) دەرهێنا، بەڵام کە لە ڕۆژی هەینیدا لێیان پرسی وا هەست دەکەیت زاراوەی تیرۆریست گونجاو بێت بۆ پەسنی جووڵانەوەکە؟ بایدن وتی " پێم وا بێت بەڵێ".
باكگراوند: حوسییەكان یاخود بزوتنەوەی "ئەنسارولڵا" بزوتنەوەیەكی ئیسلامی سیاسی شیعیی چەكداری هاوپەیمانی ئێرانە، لەپارێزگای سەعدە لەیەمەن لەسەرەتای نەوەدەكانی سەدەی ڕابردوو سەریانهەڵدا و دامەزرێنەرەكەیان بەدرەدین حوسییە.
ئاڤا دیجیتاڵ
Editor
دوایین هەواڵەکان
- کوردستان
- 3 کاتژمێر لەمەوپێش
بۆ یەکلاییکردنەوەی 71 سکاڵا کۆمیسیۆن سێ لیژنە پێکدەهێنیت
- عێراق
- 4 کاتژمێر لەمەوپێش
ئاسایشی عێراق 35 ئەندامی بزووتنەوەی قوربانییەکان دەستگیر دەکات
- کوردستان
- 4 کاتژمێر لەمەوپێش
بەهای کورسی لە هەر بازنەیەک چەندە؟
- کوردستان
- 5 کاتژمێر لەمەوپێش
ئەو كاندیدە دەرچووانەی ناچنە پەرلەمان
هەڵبژاردەکان بۆ تۆ
بەهای کورسی لە هەر بازنەیەک چەندە؟
4 کاتژمێر لەمەوپێش
دەنگی حیزبەکان بەراورد بە سێ هەڵبژاردنی ڕابردوو چەند زیاد و کەمی کردووە؟
6 کاتژمێر لەمەوپێش
دەنگدانی تایبەت بەوێنە
19 تشرینی یەکەم
ڕێکخراوێکی ئەمریکی: عێراق چوارەم وڵاتە لە پێشێلکردنی ئازادیی ئینتەرنێت
17 تشرینی یەکەم
لیستی مووچەی مانگی نۆ ڕاگەیێنرا
17 تشرینی یەکەم
- هەواڵ
- 20 ئەیلوول
یانەی هەولێر بە سەرکەوتن دەستیپێکرد