سەرۆککۆماری عێراق لە 80%ی بوودجەی عێراق بۆ مووچە تەرخان دەکرێت

ئاڤا نیوز

ئێوارەی ئەمڕۆ دووشەممە سەرۆککۆماری عێراق لە ماڵی کوردستان لە داڤۆس باسی گرنگی پشتبەستن بە کەرتی تایبەت و هاوکاری و هەمانگی لە نێوان حکومەت و کەرتی تایبەتی کرد.

وێنە گەورەکە: د. لەتیف ڕەشید، سەرۆککۆماری عێراق، وتارێکی پێشکەشکرد و پیرۆزبایی دامەزراندنی ماڵی کوردستانی کرد، هاوکات تیشکی خستە سەر گرنگیدان بە کەرتی تایبەت و پشتبەستنی هاووڵاتییان بەو کەرتە وەک جێگرەوەی مووچەی حکومەت.

لێدوانی فەرمی: د. لەتیف ڕەشید، سەرۆککۆماری عێراق، ڕایگەیاند:

- هیوادارم ئەم ماڵی کوردستانە ببێتە پردێک بۆ بازرگانانی کورد کە پەیوەندی لەگەڵ ئابووری جیهان و بازرگانانی جیهان ببەستن. هاوکات ببێت بەهاندانی کۆمپانیا و بازرگانانی جیهان تاوەکو لە هەرێمی کوردستان وەبەرهێنان بکەن، بۆئەوەی لە داهاتوودا هەرێمی کوردستان بتوانێت ئابوورییەکی بەهێزی هەبێت.

- پێویستە کۆتایی بەو قۆناغە بهێنین کە تەنیا پشت بە مووچە ببەسترێت، کێشەی مووچە تەنیا لە هەرێمی کوردستان نیە، لە عیراق لە 80%ـی بوودجە بۆ مووچە تەرخان دەکرێت، ئەمەش کاریگەری لەسەر حکومەت دروستدەکات، هاوکات ساڵ بۆ ساڵ ڕێژەی مووچەخۆر زیاد دەبێت، چونکە ڕێژەی دانیشتووانی عێراق گەیشتۆتە 45 ملیۆن کەس، لەم ڕێژەیە لە 56%ی دوای ساڵی 2003 لە دایکبوون، بۆیە پێویستە گرنگی بە کەرتی تایبەت بدەین و سەرمایەدارانی کوردیش جگە لە هەرێمی کوردستان لە وڵاتانیش کار بکەن و سوود بە هەرێمی کوردستان بگەیێنن.

- پێویستە ئەو پاڵەپەستۆیەی لەسەر حکومەت هەیە بەهۆی مووچە کەم بکەینەوە، ئەویش بە گرنگیدان بە کەرتی تایبەت و ڕەخساندنی هەلی کار بۆ هاووڵاتییان.