سەرەتای مانگی داهاتوو کارەبای پارێزگای هەڵەبجە دەکرێت بە 24 کاتژمێری

ئاڤا نیوز

کارکردن لە پڕۆژەی ڕووناکی لە سنووری پارێزگای هەڵەبجە بەردەوامە، تا کۆتایی ئەم مانگە کارەبای هەموو پارێزگاکە دەبێت بە 24 کاتژمێری.

وێنە گەورەکە: پڕۆژەی ڕووناکی بۆ کارەبای 24 کاتژمێری، پڕۆژەیەکی ستراتیژیی کابینەی نۆیەمی حکومەتی هەرێمی کوردستانە، بە پێی ئەو پلانەی بۆ پرۆژەکە دانراوە تا کۆتاییەکانی ساڵی 2026 کارەبای سەرجەم ماڵ و شوێنە بازرگانییەکان دەکرێتە 24 کاتژمێری، بەمەش هەزاران مۆلیدە لە شار و شارۆچکەکانی کوردستان دەکوژێندرێنەوە و کاریگەریی ئەرێنی لەسەر ژینگەی کوردستان دروست دەکات.

لێدوانی فەرمی: تیمی پڕۆژەی ڕووناکی بە ئاڤای ڕاگەیاند، "کارکردنی تیمەکانمان خێراتر کراوە و تا سەرەتای مانگی داهاتوو کارەبای پارێزگای هەڵەبجە دەبێت بە 24 کاتژمێری، 42 هەزار هاوبەش سوودمەند دەبن."

لەلایەکی دیکەوە: پڕۆژەی ڕووناکی گەیشتووەتە ئیدارە سەربەخۆکان، تیمەکان سەرقاڵی کارکردنن لە سۆران و زاخۆ، تا کۆتایی ئەم مانگە ژمارەیەک گەڕەک لە هەردوو ئیدارەکە کارەبایان دەبێت بە 24 کاتژمێری.