سیروان بارزانی: لە دوای هەڵبژاردن هەڵوێستی پارتی بەرامبەر یەکێتی دەگۆڕێت

ئاڤا نیوز

سیروان بارزانی بۆ ئاڤا دەڵێت، دوای ساڵێک لە کات کوشتن، یەکێتی هۆکار بوو بۆ دواکەوتنی پێکهێنانی حکومەت، ئەم بابەتەشیان بۆ بانگەشەی هەڵبژاردن بەکارهێنا، لەدوای هەڵبژاردن هەڵوێستی پارتی  بەرامبەریان دەگۆڕێت.

وێنە گەورەکە: ساڵێک زیاتر بەسەر هەڵبژاردنی پەرلەمانی کوردستان تێپەڕی، پارتی و یەکێتی وەکو براوەی یەکەم و دووەمی هەڵبژاردنەکە، چەندین کۆبوونەوە و دانووستانیان کرد بۆ پێکهێنانی حکومەت، بەڵام تا ئێستا هەوڵەکان بێ سوود بوون، پارتی دەڵێت دوای هەڵبژاردنی پەرلەمانی عێراق هەڵوێستیان بەرامبەر یەکێتی دەگۆڕێت.

لێدوانی فەرمی: سیروان بارزانی، ئه‌ندامی كۆمیته‌ی ناوه‌ندیی پارتی دیموکراتی کوردستان لە گەشتی هەواڵەکانی کاتژمێر 7ـی ئاڤا بەشدار بوو وتی، یەکێتی هۆکاری پێکنەهێنانی حکومەتە بە حیسابی خۆیان ئەمەشیان بۆ بانگەشە بەکارهێنا، لەدوای هەڵبژاردن هەڵوێستی پارتی بەرامبەریان دەگۆڕێت، یەکێتی چاوی لە پۆستی زیاترە لەبەرامبەر ئەو دەنگانەی هێناویەتی.

زانیاریی زیاتر: سیروان بارزانی، ئاماژەی بەوەشکرد، پارتی دیموکراتی کوردستان، پێشەنگ و یەکەم بووە و هەر بە یەکەمی دەمێنێتەوە، ئەمەش ئەوە دەگەیەنێت خەڵکی کوردستان لە سیاسەتی ئەو حیزبە تێگەیشتووە، دەمانەوێت لەسەرتاسەری عێراق بەهێزبین بۆ ئەوەی پێگەی کورد بەهێزتربێت.

٠ دەنگەکانمان لە یەک ملیۆن زیاتر دەبێت، چونکە پارتی هەرگیز دەنگدەران و گەلەکەی بەجێنەهێشووە.

٠ ئەوەی لەم کابینەیە پێشکەش دەکرێت لە خزمەتگوزایدا موعجیزەیە.

٠ ئەم هەڵبژاردنە دیموکراسیانە نییە، چونکە یەک بازنە نییە و ئەمەش لە بەرژەوەندی کورد نییە، دەنگی زۆری کورد دەسووتێت.