ئیسرائیل: دەوڵەتی فەڵەستین دروست نابێت

ئاڤا نیوز


ئەمڕۆ یەکشەممە، ئیسرائیل کاتز، وەزیری بەرگریی ئیسرائیل لە سەروبەندی دەنگدانی ئەنجوومەنی ئاسایش لەسەر ڕەشنووسی بڕیارنامەی ئەمریکا سەبارەت "دەوڵەتی فەڵەستین" ڕایگەیاند، هەڵوێستی ئیسرائیل ڕوونە "دەوڵەتی فەڵەستینی بوونی نابێت".

وێنە گەورەکە: سبەی دووشەممە، ئەنجوومەنی ئاسایش لەبارەی بڕیارنامەی ئەمریکا بە ناوی "ڕێگەی بەرەو دەوڵەتی فەڵەستین" کۆدەبێتەوە، ڕۆژی هەینی، ئەمریکا و هاوبەشەکانی وەکو میسر، قەتەر، سعوودیە و تورکیا داوایان لە ئەنجوومەنی ئاسایشی نەتەوەیەکگرتووەکان کرد خێرا بکات  لە پەسەندکردنی بڕیارنامەکە کە پشتگیری لە پلانی دۆناڵد ترەمپ، سەرۆکی ئەمریکا بۆ ئاشتی لە غەززە دەکات.

ڕاگەیێنراوی فەرمی: ئیسرائیل کاتز، وەزیری بەرگریی ئیسرائیل ڕایگەیاند: دەوڵەتی فەڵەستین دانامەزرێت و غەززە تا دوایین تۆنێل چەکداماڵینی لێ دەکرێت و حەماسیش چەکی خۆی دادەنێت.

زانیاریی زیاتر: ئەمریکا، قەتەر، میسر، ئیمارات، سعوودیە، ئەندەنوسیا، پاکستان، ئوردن و تورکیا لە بەیاننامەیەکدا "پشتیووانی هاوبەش"ی خۆیان بۆ ڕەشنووسی بڕیارنامەی ئەمریکا دەربڕی کە دەسەڵاتی پێکهێنانی هێزی سەقامگیریی نێودەوڵەتی لە غەززە دەدات و لە چەندین خاڵی دیکە پێکدێت.