لە مەرزی تەوێڵە 10 تۆن كاڵەكی خراپبوو گەڕێنرایەوە ئێران

ئاڤا نیوز

ئەمڕۆ لە مەرزی تەوێڵە لە پارێزگای هەڵەبجە، دەستگیرا بەسەر بڕێكی زۆر لە کاڵەکی خراپبوو، بڕیاردرا بگەڕێندرێتەوە وڵاتی ئێران.

چیرۆكی سەرەكی: ئەمڕۆ چوارشەممە، لەلایەن هۆبەی کەرەنتینەی کشتوکاڵی مەرزی تەوێڵە - شوشمێ، دەستگیرا بەسەر بڕی 10 تۆن و 350 کیلۆ کاڵەکی خراپبوودا کە شیاو نەبوو بۆ خواردن و بڕیاری گەڕاندنەوەی بۆ وڵاتی ئێران درا.

لێدوانی فەرمی: بەشی ڕاگەیاندنی بەڕێوەبەرایەتیی كشتوكاڵی هەڵەبجە بۆ ئاڤا پشتڕاستیكردەوە كە لەلایەن هۆبەی کەرەنتینەی کشتوکاڵی مەرزی تەوێڵە – شوشمێ دەستگیراوە بەسەر بڕی 10 تۆن و 350 کیلۆ کاڵەکی خراپبوو کە شیاو نەبوو بۆ خواردن.

باكگراوند: مەرزی شوشمێ؛ دەكەوێتە نێوان پارێزگای هەڵەبجە لە هەرێمی كوردستان و پارێزگای كرماشان لە ڕۆژهەڵاتی کوردستان، بەدووری 22 كیلۆمەتر لە ناحیەی تەوێڵە لەدیوی هەرێمی كوردستان، هاوكات ناحیەی پاوە لە ڕۆژهەڵاتی كوردستان نزیكترین ناوچەی ئاوەدانییە لە مەرزەكە.