یونیسێف: سەرەڕای ئاگربەست، ئیسرائیل ڕۆژانە دوو منداڵ لە غەززە دەکوژرێت

ئاڤا نیوز

سەرەڕای ئاگربەست ئیسرائیل لە ئەنجامدانی هێرش و کوشتن و بریندارکردنی خەڵکی غەززە بەردەوامە و ئاژانسی یونیسێفی سەر بە نەتەوەیەکگرتووەکان داتای نوێ بڵاو دەکاتەوە.

لێدوانی فەرمی: ڕیکاردۆ پیرێس، گوتەبێژی یونیسێف، ڕایگەیاند: "دوێنی بەیانییەکەی بە هۆی هێرشێکی ئاسمانیی ئیسرائیلەوە کچە منداڵێک لە خان یونس کوژرا، ڕۆژێک پێشتریش حەوت منداڵ لە شاری غەززە و باشوور کوژران."

بڵاوکراوەی فەرمی: بە گوێرەی ڕاپۆرتێکی یونیسێف، لەوەتەی لە 11ـی ئۆکتۆبەری ئەمساڵەوە ئاگربەستی غەززە دەستی پێکردووە 67 منداڵ کوژراون کە بە تێکڕا دەکاتە ڕۆژانە دوو منداڵ. هەروەها 280 کەس کوژراون، 627 کەسی دیکەش بریندار بوون و 571 تەرمیش لە ژێر داروپردی باڵەخانە ڕووخاوەکان دەرهێنراون. خێزانەکان کێشەی کەمیی خۆراکیان هەیە، سیستەمی تەندرووستیی غەززە داڕماوە و منداڵان چاودێریی تەندرووستییان نییە و نزیکەی چوار هەزار منداڵ پێویستیی بەپەلەیان بە چارەسەر لە دەرەوە هەیە.