پارتی دوو کاندیدی بۆ پۆستی سەرۆککۆمار پێشکەش کرد

ئاڤا نیوز

پارتی بە فەرمی دوو كاندیدی بۆ پۆستی سەرۆككۆماری عێراق دیاریكرد، ئەوانیش هەریەك لە د. فوئاد حوسێن و نەوزاد هادی ـن، بەر لە كۆتاییهاتنی وادەی دیاریكراو، سیڤی خۆیان پێشكەش بە دەستەی سەرۆكایەتیی پەرلەمانی عێراق كرد.

چیرۆکی سەرەکی: ئەمڕۆ دووشەممە كاتژمێر 3ـی عەسر دوا وادەی یاسایی بوو بۆ پێشكەشكردنی cv بەمەبەستی وەرگرتنی پۆستی سەرۆككۆمار كە پشكی كوردە، پارتی و یەكێتی بەفەرمی ڕایانگەیاند كە بە جیا كاندیدیان دەبێت و لەسەر دیاریكردنی كاندیدێكی هاوبەش بۆ ئەو پۆستە، نەگەیشتنە ڕێككەوتن.

لێدوانی فەرمی: شاخەوان عەبدوڵڵا، سەرۆكی فراكسیۆنی پارتی دیموكراتی كوردستان لە پەرلەمانی عێراق بە ئاڤای ڕاگەیاند، هەریەك لە د. فوئاد حوسێن، و نەوزاد هادی کاندیدی فەرمیی پارتین و cv خۆیان بۆ پۆستی سەرۆککۆماری داهاتووی عێراق پێشکەش کردووە.