شاخەوان عەبدوڵڵا: دەرفەت هەیە پارتی و یەکێتی ڕێکبکەون بۆ پۆستی سەرۆککۆمار

ئاڤا نیوز

 

شاخەوان عەبدوڵڵا، سەرۆکی فراکسیۆنی پارتی دیموکراتی کوردستان لە پەرلەمانی عێراق، بە ئاڤا میدیای ڕاگەیاند: هێشتا کات لەبەردەستە بۆ گفتوگۆکردنی پارتی و یەکێتی دەربارەی پۆستی سەرۆککۆمار و دەرفەتی گفتوگۆ هەیە دەکرێت هەردوولا ڕێکبکەون و دەنگ بە یەک کاندیدی سەرۆککۆمار بدرێت.

 

وێنە گەورەکە: شاخەوان عەبدوڵڵا بە ئاڤا میدیای ڕاگەیاند: فراکسیۆنی یەکێتی بە مەبەستی پیرۆزبایی دەستنیشانکردنم وەکو سەرۆکی فراکسیۆنی پارتی سەردانی کردین و گفتوگۆمان لەسەر یەکڕیزی و کۆدەنگیی کورد لە بە‌غدا و شایستەکانی کورد لە لیژنەکانی پەرلەمان و وردەکاریی کارەکانی پەرلەمان کرد.

 

لێدوانی فەرمی: شاخەوان عەبدوڵڵا، وتیشی: پێش هەڵبژاردنی عێراق پارتی باسی ئەم قۆناغەی ئێستای لەگەڵ یەکێتی کردووە کە ناكرێت بە دوو شاند و بە پەرتەوازەیی بڕۆینە بەغدا و حکومەتی هەرێمی کوردستان پێکبێنین و شاندێکی دانوستانکاری هاوبەش بۆ بەغدا پێکبێنین، بەڵام ئەوانە ڕوویان نەدا.

 

زانیاری زیاتر: لە درێژەی قسەکانیدا شاخەوان عەبدوڵڵا وتی: لەنێو ئەو 81 کاندیدی سەرۆککۆمار بەشێکی زۆر کاندیدی سوننە و شیعەشی تێدایە، زۆربەیان دەرفەتیان لاوازە ببنە سەرۆککۆمار، چونکە بۆ بوون بە سەرۆککۆمار پێویستە 220 دەنگ لە پەرلەمان لەکۆی 329 پەرلەمانتار بەدەست بێنێت.

 

باکگراوند: بەپێی وادە دەستوورییەکان، دەبێت تا 28ـی ئەم مانگە سەرۆککۆمار هەڵبدەبژێردرێت، بۆ ئەو مەبەستە گفتوگۆ و دانوستانەکان بە چڕیی دەستپێ دەکەن بۆ بەدەستهێنانی دەنگی پەرلەمانتاران و هاوپەیمانێتییەکان لە ڕۆژی کۆبوونەوەکەدا، لەبەرئەوەی سەرۆککۆمار پێویستی بەوەیە دوو لەسەر سێ (220 پەرلەمانتار)ـی کۆی پەرلەمانتاران (329 کورسی) دەنگی پێبدەن.