شیعەکان بۆ دیارکردنی کاندیدی سەرۆکوەزیران لە کۆبوونەوەدان

ئاڤا نیوز

سەرکردەکانی چوارچێوەی هەماهەنگی ئێستا لە نووسینگەی حەیدەر عەبادی لە کۆبوونەوەدان، بۆ دیاریکردنی کاندیدی کۆتایی پۆستی سەرۆکوەزیرانی نوێی عێراق یان کەمکردنەوەی ناوی کاندیدەکان بۆ سێ کەس.

چیرۆکی سەرەکی: لەم کۆبوونەوەیەدا کە محەممەد شیاع سوودانی و سەرجەم سەرکردە باڵاکان ئامادەن، پێنج ناوی دیار وەک کاندیدی بەهێز بۆ وەرگرتنی پۆستی سەرۆکوەزیران ململانێ دەکەن:

محەممەد شیاع سوودانی: سەرۆکوەزیرانی ئێستا کە دەیەوێت بۆ خولی دووەم بمێنێتەوە.

نووری مالیکی و حەیدەر عەبادی: وەک دوو سەرۆکوەزیرانی پێشوو.

باسم بەدری: سەرۆکی دەستەی لێپرسینەوە و دادپەروەری.

حەمید شەتری: سەرۆکی دەزگای هەواڵگریی عێراق.

لێدوانی فەرمی: عەلی دیفاعی، وتەبێژی ئەنجوومەنی باڵای ئیسلامیی عێراق بە ئاڤای ڕاگەیاند: "چوارچێوەی هەماهەنگی دوور لە هەر گوشارێکی دەرەکی یان پەلەکردن لە بڕیاردان، هەوڵ دەدات کەسایەتییەک هەڵبژێرێت کە توانای بەڕێوەبردنی حکومەتی داهاتووی هەبێت بە شێوەیەکی لێهاتووانە."