بەوێنە؛ هەڵمەتی کۆکردنەوەی هاوکاریی هەولێر بۆ ڕۆژئاوا بەردەوامە

ئاڤا نیوز

خەڵکی هەولێر لەرێگەی دەزگای خێرخوازیی بارزانییەوە، بە بارهەڵگری پڕ لە خۆراک و پێداویستیی، بەردەوامن لە گەیاندنی کۆمەک بۆ پشتیوانیی کوردانی ڕۆژئاوای کوردستان.

زانیاریی زیاتر: دانیشتووانی پایتەخت بەشێوەیەکی خۆبەخشانە و لەرێگەی ناوەندەکانی کۆکردنەوەی دەزگای خێرخوازیی بارزانی، جۆرەها پێداویستیی وەک خۆراک، جلوبەرگ و کەرەستەی سەرەتاییان کۆکردووەتەوە.

ئەوەی پێویستە بیزانیت: دەزگای خێرخوازیی بارزانی وەک لایەنێکی سەرەکیی و متمانەپێکراو بۆ گەیاندنی هاوکارییەکان کار دەکات؛ هەماهەنگیی تەواو لەگەڵ لایەنە پەیوەندیدارەکان کردووە تاوەکو گەرەنتیی گەیشتنی بارهەڵگرەکان بۆ ناو قامیشلۆ، حەسەکە و کۆبانی بکرێت، بەتایبەت دوای ئەوەی ڕێڕەوە مرۆییەکان لەژێر فشاری نێودەوڵەتییدا کراونەتەوە.