ڕووبارێکی بەریتانیا سوور دەبێت

ئاڤا دیجیتاڵ

 

ڕەنگی ڕووبارێکی شاری بیرمینگهامی بەریتانیا  سوور بووە و ڕۆژنامەی دەیلی مەیلی ئەو وڵاتە دەڵێت، "نیشانەی نزیکبوونەوەی قیامەتە".

 

چیرۆکە سەرەکییەکە: دوو رۆژی ڕابردوو دەسەڵاتدارانی بەریتانیا لەلایەن هاووڵاتییانەوە ئاگادار كرانەوە كە ڕووبارێکی شاری بیرمینگهام ڕەنگی سوور بووە. ئەنجومەنی شارۆچكەی بیرمینگهام، لێكۆڵینەوەی لەسەر بابەتەکە دەستپێکرد بۆ ئەوەی وردەکارییەکەی ئاشکرا بکات. هەر ئەوەش نا، ڕۆژنامەی "دهیلی مه یلی بەریتانی ڕاپۆرتێکی لەسەر ڕووداوەکە بڵاوکردوەتەوە و نووسیویەتی: "هەندێک ئەم ڕووداوە بە نیشانەی نزیکبوونەوەی قیامەت دەزانن".

 

لێدوانی فەرمی: دەیڤید پارکەر، ئەندامی ئەنجوومەنی ناوخۆیی شاری بێرمینگهام لە لێدوانێکدا گوتی: "ئەم دۆزەخە چییە؟". تاوەکو ئێستا دەسەڵاتە ناوخۆییەکان و پۆلیسەکان نەیانتوانیوە هۆکارەکانی ئەم ڕووداوە دیاری بکەن.

گوتەبێژی ئەنجوومەنی جیلی بیرمینگهام، وێنەیەکی ئەو ڕووبارەی لە تۆڕی کۆمەڵایەتیی ئیکس بڵاوکردەوە بووە کاردانەوەی لەنێو خەڵکی شارەکە دروست کرد.

 

باکگراوند: شاری بیرمینگهام یەکێکە لە شارە مۆدێرنەکانی بەریتانیا و نزیکەی ملیۆنێک دانیشتووی هەیە. هەروەها بە ناوەندێکی نێودەوڵەتیی وڵاتەکە دادەنرێت لە بواری بازرگانی و پیشەسازی.