پێکهاتەکان حەوت سکاڵایان لەسەر شێوازی دابەشکردنی کورسیەکان تۆمارکردووە

ئاڤا نیوز

 

پێکهاتەکانی تورکمان و مەسیحی داوا  لە دادگەی فیدڕاڵی عێراق دەكەن، کورسییەکانیان لە یەک بازنەدا کۆبکرێتەوە.

 

وێنە گەورەکە: پێنج کورسی بۆ پێکهاتەکانی کوردستان تەرخانکراوە، دوو لە هەولێر، دوو لە سلێمانی و یەک لە دهۆک، پێکهاتەکان داوادەکەن ئەو کورسیانە بهێنرێنە یەک بازنەوە، بۆ ئەوەی دەنگەکانیان نەفەوتێت.

 

لێدوانی فەرمی: زیا پترۆس، نوێنەری کلدانەکان بە ئاڤا نیوزی گوت: "یەکسانیی نییە لە دهۆک 35 هەزار دەنگدەرمان هەبێت تەنیا یەک کورسیمان پێبدرێت، لە سلێمانی بە 700 دەنگ کورسی بەدەستبهێنرێت".

 

ئەوەی پێویستە بیزانیت: دادگەی فیدڕاڵی عێراق بەرواری 22-07-2024ـی دیاریکردووە بۆ دادبینی ئەو حەوت سکاڵایە.

 

زانیاریی زیاتر: لە سکاڵاکەدا داوایانکردووە کار بە ماددەی دووی سیستەمی تۆمارکردنی لیستی پاڵێوراوان نەکرێت، کە کۆمسیۆن بەگوێرەی بڕیاری دادگەی فیدڕاڵی و دەستەی دادوەری هەڵبژاردن پەسەندی کردووە.