ئاڤا نیوز
&nbsp;
لە دیداری تایبەت لەگەڵ سەعدی ئەحمەد پیرە باسی پێکهێنانی کابینەی نوێی حکومەتی هەرێمی کوردستان و ئاڵنگارییەکانی بەردەمی دەکرێت.

یەکێتی داوای پەنجا بە پەنجا دەکات؟

ئاڤا نیوز 
نەوتی هەرێمی کوردستان گەیشتووەتە بازاڕەکانی جیهان و جێگری بەڕێوەبەری سۆمۆ دەڵێت: دەکرێت هەرێمی کوردستان ببێتە ناوەندێکی ستراتیژیی فرۆشتنی نەوت و گەیشتن بە ئەوروپا. 
چیرۆکی سەرەکی: د. حەمدی شنگالی، جێگری بەڕێوەبەری سۆمۆ، کۆمپانیای بەبازاڕکردنی نەوتی عێراق لە گفتوگۆیەکی تایبەتدا لەگەڵ ئاڤا میدیا، باسی پرسی ڕێککەوتننامەی سێقۆڵی و هەناردەکردنەوەی نەوتی کوردستان، پرسی یاسای نەوت و غازی عێراق دەکات.&nbsp; 
لێدوانی فەرمی: د. حەمدی شنگالی، جێگری بەڕێوەبەری سۆمۆ بە ئاڤای ڕاگەیاند: هەرێمی کوردستان هاوسنوورە لەگەڵ تورکیا, بەمەش عێراق دەتوانێت سوودی زۆری لێ وەربگرێت، کوردستان بکاتە ناوەندێکی ستراتیژی و گرنگی فرۆشتی نەوت و ڕێگای گەیشتن بە وڵاتانی ئەوروپا، چونکە بۆ عێراق باشترە ڕێگایەکی دیکەی فرۆشتنی نەوتی هەبێت جگە لە بەسرە.&nbsp; 
زانیاریی زیاتر: بە گوتەی د. حەمدی شنگالی، پڕۆژەکانی سەرۆکوەزیران مەسرور بارزانی لە هەرێمی کوردستان پڕۆژەی بونیادی و کاریگەرن، بۆیە با عێراق ڕێککەوتنی هەناردەکردنەوەی نەوتی کوردستان بکاتە هاندەرێک بۆ ئەوەی پڕۆژەی دیکەی گەورەی نەوت جێبەجێ بکرێن و ببەسترێنەوە بە ئەوروپا. 
ئەوەی پێویستە بیزانیت: لەبارەی ئەوەی ڕێککەوتنی نەوت دەتوانێت ڕێگە بۆ دانانی یاسای نەوت و غازی عێراق خۆش بکات، د. حەمدی شنگالی دەڵێت: ڕێککەوتنی باش و گرنگ ڕێگەخۆشکەر دەبێت بۆ بابەتی دیکە، کوردستان بۆ دانانی یاسای نەوت و غاز زۆر هەماهەنگە، ئەگەر یاساکە بەگوێرەی دەستووری عێراق دابنرێت زۆر کێشە و گرفت چارەسەر دەکات، چونکە دەستوور ڕوون و ئاشکرایە، هەموو بەرپرسیارێتی و مافێک تێیدا دەستنیشان کراوە، بۆیە ئەگەر شتەکان وەک ئێستا بڕۆن، ئەوا دەگەینە ڕێککەوتنێکی باشتر.

دیداری تایبەت؛ قسەی جێگری بەڕێوەبەری کۆمپانیای سۆمۆ لەبارەی نەوت و مووچە

چاوپێکەوتنی تایبەتی ئاڤا میدیا لەگەڵ مەسرور بارزانی، سەرۆکوەزیرانی کوردستان

ئاڤا نیوز چیرۆکی سەرەکی: نەسڕوڵڵا ڕەشنوودی، کونسوڵی گتشیی ئێران لە هەولێر، لە چاوپێکەوتنێکدا لەگەڵ ئاڤا میدیا باسی چەند بابەتێکی گرنگ دەکات، لەوانە، ڕۆڵێ ئێران لە هەڵبژاردنی پەرلەمانی کوردستان و تۆمەتبارکردنی بە ساختەکاریکردن، ڕێککەوتنی ئەمنێ نێوان عێراق و ئێران و ڕۆڵی هەرێمی کوردستان لە ڕێککەوتنەکە،&nbsp; وەڵامدانەوەی ئیسرائیل، حیزبەکانی ڕۆژهەڵاتی کوردستان لە هەرێمی کوردستان، پرسی ماددەی هۆشبەر، پەیوەندییە بازرگانی و سیاسیییەکانی نێوان هەولێر و تاران، چالاکییە کولتوورییەکانی ئێران لە هەرێمی کوردستان و چەند بابەتێکی دیکە.

دیداری تایبەت؛ لێدوانی کۆنسوڵی ئێران لەبارەی پێکهێنانی حکومەتی نوێی هەرێمی کوردستان

ئاڤا نیوز
 سەعدی ئەحمەد پیرە، گوتەبێژی یەکێتیی نیشتیمانی کوردستان لە چاوپێکەوتنێکدا لەگەڵ ڕۆژان ئەبوبەکر بۆ ئاڤا میدیا وەڵامی چەند پرسیارێک دەداتەوە، دەڵێت بەمنزیکانە پارتی و یەکێتی لەبارەی هەڵبژاردن کۆدەبنەوە و بڕیارەکانی دادگەی فیدراڵیش دەگەڕێنێتەوە بۆ ڕێکنەکەوتنی پارتی و یەکێتی، لەبارەی پارێزگاری کەرکووکیش دەڵێت "دەمانەوێت پارێزگارێکی کورد" بێت.
 &nbsp;ئاڤا نیوز: یەکێتی ئامادەیە بۆ هەڵبژاردن؟
 سەعدی ئەحمەد پیرە: یەکێتی بەتەواوەتی ئامادەیە بۆ هەڵبژاردن، دوای ئەوەی کۆنگرەشمان ئەنجامدا توانیمان هێزەکان و تواناکانمان کۆبکەینەوە و کێشە ناوخۆیی و دەرەکییەکانمان وەلا نێین، چونکە کۆنگرەیەکی باش و سەرکەوتووبوو.ئەنجامەکانی هەڵبژاردنەکان بۆ یەکێتی و هەموو لایەنەکان زۆر گرنگە، چونکە ئێستا پەرلەمان وەستاوە بۆیە ڕێکخستنەوەی پەرلەمان و کۆکردنەوەی لایەنەکان کارێکی گرنگە.
 ئاڤا نیوز:&nbsp;ڕات لەسەر لاهوور شێخ جەنگی چییە؟
 سەعدی ئەحمەد پیرە: دوای کۆنگرەی پێنج لاهوور شێخ جەنگی هیچ ڕۆڵێک و پەیوەندییەکی بە یەکێتی نەماوە، ئێستا یەکێتی سەرنجی لەسەر خۆئامادەکردنە بۆ هەڵبژاردن بۆیە لاهوور جەنگی جێی باس نییە و یەکێتی پێی نیگەران نییە.
 ئاڤا نیوز: لەسەر لابردنی کورسی پێکهاتەکان چی دەڵێیت؟
 سەعدی ئەحمەد پیرە: &nbsp;گرووپێکی بچووک لەناو پێکهاتەکان سوودیان لە دەنگی پێکهاتەکان وەردەگرت، بەڵام هەرگیز یەکێتی داوای لابردنی کورسی پێکهاتەکانی نەکردووە لە پەرلەمانی کوردستان و جێپەنجەی پێکهاتەکان بە هەرێمی کوردستانەوە دیارە.
 ئاڤا نیوز: نوێترین زانیاریی لەسەر دانانی پارێزگاری کەرکووک چییە؟
 &nbsp;سەعدی ئەحمەد پیرە: دەمانەوێت کوردێک پارێزگاری کەرکووک بێت، ئەو هەوڵەش بەردەوامە و ئەگەر کورد هەر 16 کورسیەکەی کەرکووکی هەبێت، نابێت بێ پێکهاتەکان حوکمی کەرکووک بکات و ئێمە کەسێکمان دەوێت پارێزگاری هەموو پێکهاتەکان بێت نەک تەنیا کورد.
 ئاڤا نیوز: یەکێتی لەبارەی بڕیارەکانی دادگەی فیدراڵی ڕای چییە؟
 سەعدی ئەحمەد پیرە: &nbsp;بڕیارەکانی دادگەی فیدڕاڵی تووندن، بەڵام بە ئەنجامن؛ ئەمەش لە ئەنجامی رێکنەکەوتنی پارتی و یەکێتییە دوای چەندین ساڵ؛ واباشترە ئێمە بە شاندێکی هاوبەش بچین بۆ بەغدا نەک یەک لایەن ژێر بەژێر، بۆیە دەڵێم وا باشترە چارەسەرێکی ڕیشەیی بۆ ئەم کێشەیە لەناوخۆماندا بدۆزینەوە.
 ئاڤا نیوز: دۆخی پەیوەندییەکانی پارتی و یەکێتی لە چی ئاستێکدایە؟
 سەعدی ئەحمەد پیرە: دۆخی یەکێتی و پارتی ئێستا زۆر باشە، لەبەر ئەوەی دەستمان ئاشکرایە و لەگەڵ پارتی یارییەکانی یەکتر دەزانین، بەڵام هەوڵی ئەوە دەدەین واز لەم یارییانە بێنین و بە یەکەوە ئیش بکەین،لە ئایندەیەکی نزیکدا پارتی و یەکێتی کۆدەبنەوە، بەتایبەت لەبارەی پرۆسەی هەڵبژاردنەوە.
 ئاڤا نیوز: ئایا سزاکانی سەر فڕۆکەخانەی سلێمانی هۆکارەکەی چییە؟
 سەعدی ئەحمەد پیرە: وەستانی گەشتەکانی نێوان تورکیا و سلێمانی دەگەڕێتەوە بۆ ئەوەی تورکیا دەیەوێت سزای یەکێتی بدات، بەڵام سزادانی یەکێتی ناڕەزاییەتی زۆر دروست دەکات و زیانێکی ئابووری زۆر بە تورکیا دەگەیێنێت.

دیداری تایبەت؛ سەعدی پیرە نهێنی نوێ ئاشکرا دەکات لەگەڵ رۆژان ئەبوبەکر

ئاڤا نیوز
&nbsp;
ئەوەی پێویستە بیزانیت؛ ساسان عەونی، وەزیری شارەوانی و گەشتوگوزاری کوردستان میوانی ئاڤایە و باسی بڕیاری سەرۆکوەزیرانی کوردستان لەبارەی &nbsp;دابەشکردنی زەوی بەسەر فەرمانبەران دەکات.
&nbsp;
لێدوانی فەرمی؛ ساسان عەونی، وەزیری شارەوانی و گەشتوگوزاری کوردستان دڵنیایی دەداتە فەرمانبەران و دەڵێت، ئەوەی مووچەخۆر بێت بڕیاری دابەشکردنی زەوی دەیگرێتەوە.
&nbsp;
زانیاریی زیاتر؛ لەبارەی ئەو فەرمانبەرانەی گرێبەستن، ساسان عەونی دەڵێت، دواتر بڕیاری دابەشکردنی زەوی بەسەر فەرمانبەرانی گرێبەست دەدرێت.
&nbsp;
ئەمەش بزانە؛ لە ساڵی 2006ـەوە زەوی بەسەر فەرمانبەرانی هەرێمی کوردستان دابەش نەکراوە.

دیداری تایبەت؛ وەزیری شارەوانی باسی دابەشکردنی زەوی دەکات لەگەڵ ڕۆژان ئەبوبەکر

ئاڤا نیوز
&nbsp;
بەرپرسی دەستەی کارگێڕیی مەکتەبی سیاسیی پارتی، وەڵامی دروشمی ئەو لایەنانە دەداتەوە کە بەرامبەر حیزبەکەی دەیکەن و لەبەرامبەر دروشمی یەکێتیش ئاماژە بۆ ئەوە دەکات ئەگەر بە لۆژیکی هێز بێت، "ئەو هێزە نین کە پارتی بڕووخێنن. ئەگەر هێزی لۆژیک بێت، هێزی لۆژیک ئەمە قبووڵ ناکات".
&nbsp;
چیرۆکی سەرەکی: فازڵ میرانی، بەرپرسی دەستەی کارگێڕیی مەکتەبی سیاسیی پارتی میوانی گەشتی هەواڵەکانی کاتژمێر 07:00ی ئاڤا میدیابوو کە هەوراز گوڵپی پێشکەشی دەکات.
&nbsp;
لێدوانی فەرمی: لە وەڵامی دروشمی یەکێتی کە دەڵێت "کۆتایی بە تاکڕەوی پارتی دەهێنین لە دەسەڵات" فازڵ میرانی ڕایگەیاند: "یەكێتی بە دروشمی كۆتایی پێدەهێنین خۆیان تاوانبار دەكەن و ئەوانیش لەگەڵ ئێمە بەشدارن لە دەسەڵات.
&nbsp;
لەلایەکی دیکەوە: فازڵ میرانی ئه&zwnj;وه&zwnj;شی&zwnj; خسته&zwnj;ڕوو: "یه&zwnj;كێتی یان ده&zwnj;بێت به&zwnj;ته&zwnj;واوی له&zwnj; ده&zwnj;سه&zwnj;ڵات یان ئۆپۆزسیۆن بێت و ناكرێت به&zwnj; ڕۆژ هاوبه&zwnj;ش بیت و به&zwnj; شه&zwnj;و دژ بیت. وتاری یەکێتی ناڕوونە، نە دەسەڵاتە، نە ئۆپۆزیسیۆن".
 درێژەی دیدارەکە....
&nbsp;
کوردستان پێویستی بە بانگەشەیەکی ئارامە
&nbsp;
بەرپرسی دەستەی کارگێڕیی مەکتەبی سیاسیی پارتی لەبارەی بانگەشەی پارتی و پێویستی بەڕێوەچوونی بانگەشەیەکی ئارام ڕایگەیاند: ئەگەر بەرژەوەندیی و خواستی میللەت لەبەرچاو بگرین، پێویستە ڕێگای ئارامیی بگرینە بەر، چونکە لە نائارامیدا نە دەستکەوت دەبێت، نە میللەت ڕازی دەبێت. ئەگەر نائارام بێت بەهۆی لێکەوتەکانییەوە شت لەدەست دەدرێت. بۆیە لەمەدا پارتی هەست بە بەرپرسیاریێتی دەکات. بە بڕوای من گرژی و زمان درێژی لە ڕێبازی پارتی بارزانیدا نین، سەرۆک بارزانی ئاماژەی بەوەشدا ئەوەی زمانی درێژە دەستی کورتە.
 ڕووخانی ئێمە واتە ڕووخانی هەرێمە
&nbsp;
سەبارەت بە دروشمی لایەنەکان فازڵ میرانی پێیوایە دروشمی حیزبەکان بۆ بانگەشە هەڵەن و بۆ نموونە ئەوانەی دەڵێن دەیڕووخێنین.. ئێمە ئەمڕۆ کیانێکین پێی دەگوترێت فیدراڵیەتی عێراق، ئێمە تەنیا حیزبێک نین. ئێمە لەگەڵ خەڵکانێکی دیکە ڕۆڵی سەرەکیمان هەبووە لەوەی ئەو فیدراڵیەتەمان لە دوای سەرهەڵدان بەدەستهێناوە و ڕۆڵی سەرەکیمان هەبووە لە پاراستنی.
&nbsp;
تەنیا پارتی دەتوانێت کۆتایی بەخۆی بهێنێت
&nbsp;
بە گوتەی میرانی: "ڕووخانی ئێمە واتە ڕووخانی ئەو هەرێمە، ئایا لۆژیکێک هەیە حیزبێک بانگەشە بۆ کوردایەتی و پێشکەوتن و خزمەتکردن بە میللەت بکات، بێت و کیانێک کە خوێنی هەزاران شەهید و ئەنفال و کیمیاباران بەرهەمهاتووە، بێت و بیڕووخێنێت؟ بۆیە من دەڵێم هەڵەن... کۆتایی پێدەینن.. کۆتایی بە چی دەهێنن؟ تەنیا پارتی دەتوانێت کۆتایی بەخۆی بهێنێت".
&nbsp;
ئەوەی دەڵێت دەیگۆڕین، دەمانکەن بە چی؟
&nbsp;
سەبارەت بەوانەش دروشمی ئەوەیان هەڵگرتووە کە دەڵێن دەیگۆڕین، فازڵ میرانی دەپرسێت: "بە چی دەیگۆڕن؟ بۆ دەمانکەن بە چی؟ ناوی ئێمە یەکەمجار پارتی دیموکراتی کوردی بووە، دوای کرا بە پارتی دیموکراتی کوردستان. بۆچی دەمانگۆڕن، ئێمە نە دەبین بە سۆشیالیست نە دەبینە چەپڕەو، نە دەبەینە یەمینی ڕەجعی، نە دەبینە لیبڕال. ئێمە ناوی خۆمان بە خۆمانەوەیە".
&nbsp; لەگەڵ گورگ گۆشت دەخوات و لەگەڵ شوانیش شین دەکات
&nbsp;
سەبارەت بە بانگەشەی یەکێتیش وەکو هاوبەشێکی سەرەکی پارتی لە حکومەت، فازڵ میرانی نموونە بە گوتەتی سەرۆک بارزانی دەهێنێتەوە کە دەڵێت: "لەگەڵ گورگ گۆشت دەخوات و لەگەڵ شوانەکەش شین دەکات. ئەم جۆرە هەڵوێستانەش دەرئەنجامی پەیوەندی نا دروستی نێوان پارتی و یەکێتیە. من هانی دابڕان نادەم، بەڵام تۆ ئەگەر دەتەوێت شتێک بڕووخێنێت بۆ لەناویدایت؟".
&nbsp;
ئەو هێزە نین پارتی بڕووخێنن
&nbsp;
بەرپرسی دەستەی کارگێڕیی مەکتەبی سیاسیی پارتی &nbsp;هەر لەبارەی دروشمەکەی یەکێتی دەشڵێ: "دوو شت هەیە، لۆژیکی هێزو هێزی لۆژیک، من نازانم ئەو برادەرانە بە چ لۆژیکێک قسە دەکەن؟ ئەگەر بە لۆژیکی هێز بێت، ئەو هێزە نین کە پارتی بڕووخێنن. ئەگەر هێزی لۆژیک بێت، هێزی لۆژیک ئەمە قبووڵ ناکات. هێزی لۆژیک پێکەوە ژیان و پاراستنی دەستکەوتەکان و ئاسوودەکردنی میللەت و پێشکەشکردنی خزمەتە، بەرپاکردنی ئاسایش و سەقامگیرییە لەناو وڵاتەکەی خۆت".
&nbsp;
جەختیشی کردەوە "ئەوەی یەكێتی بانگەشەی بۆ دەكات ڕاست نییە، قوباد تاڵەبانی دەسەڵاتی تەواوی لە حکومەتدا هەیە، ئەگەر جێگری سەرۆكوەزیران بێ دەسەڵات بووە، بۆچی بەردەوام بووە؟ بەو قسەیەی کە یەکێتی دەیکات لەوەی دەسەڵاتیان نەبووە لە حکومڕانیدا ستەم لە خۆیان دەکەن و خۆیان خۆیان تاوانبار دەکەن، پارتی حزبێکی تاکڕەو نەبووە، حکومەتێکی ئیئتلافیمان هەیە. بوونی حکومەتێکی بنکەفراوان دەلیلی تاکڕەوی نییە. خۆیان قسەکەی خۆیان بە نالۆژیکی پیشان دەدەنەوە".
&nbsp;
داهاتی سلێمانی بگەڕێتەوە سەرۆکوەزیران هەمان شت بۆ سلێمانیش دەکات
&nbsp;
سەبارەت بەو گلەییانەی دەخرێتە ئەستۆی پارتی لە نەگەیاندنی خزمەتگوزاریی بە هەموو بەشەکانی کوردستان فازڵ میرانی دەڵێ: "ئەگەر داهاتەکانی سلێمانی لەلایەن ئیدارەی سلێمانییەوە بگەڕێتەوە دەست حکومەت و پەیڕەو پڕوگرامی حکومەت جێبەجێ بکەن، سەرۆکوەزیرانی ئێمە لە هەولێر و دهۆک چی کردووە، لەوێش وا دەکات".
&nbsp;
سەبارەت بەو بۆچوونەش کە پێیانوایە ئەوەی یەکێتی دەیکات لە دژایەتیکردنی پارتی وەکو تاکیکێکی هەڵبژاردنی دەیبینن و دواتر دێنەوە بەشداری لە حکومەت دەکەن. فازڵ میرانی دەڵێ: "پێشتر ئەزموونی وامان هەبووە، ئەوانەی دژی پارتی بوون و لە حکومەت دەرچوون لە پێناوی ئەوەی دەنگەکانیان زیاد بکات، بەڵا دەنگەکانیان کەمی کرد".
&nbsp;
کاک مەسرور ئەم حکومڕانییەی پاراستووە
&nbsp;
لەبارەی هەبوونی باڵ باڵێن لەنێو پارتی، فازڵ میرانی ڕەتیدەکاتەوە لەناو پارتی باڵ باڵێن بوونی هەبێت و دەشڵێ: "ئێمە لەناو خۆماندا یەک بڕیاردەرمان هەیە، ئەگەر مەبەستیشیان لە کاک مەسرورە، کاک مەسرور سەرۆکی حکومەتی ئێمەیە، بە کۆدەنگی بڕیاری سەرکردایەتی بووە سەرۆکوەزیران، هەرچی كاک مەسرور بارزانی دەیكات ئێمە لێی بەرپرسین و بەرپرسیاریێتیەکەی هەڵدەگرین، ئەگەر شتێک خراپی کرووە فەرموون پێمان بڵێن".
&nbsp;
میرانی ئاماژە بۆ ئەوەش دەکاتگ: "کاک مەسرور چووە ژێر باڵی هەڕەشە یاساکانی بەغدا، دادگەی فیدراڵی، نەدانی مووچە و چەندان هەڕەشەی دیکە. بەڵام بەشێوەیەک لە شێوەکان ئەم حکومڕانییەی پاراستووە".
&nbsp;
بەو پارێزگارە کوردە کۆتایی بە بەعەرەبکردن لە کەرکووک نایێت
&nbsp;
سەبارەت بە پرسی پێکهێنانی حکومەتی خۆجێی کەرکووک، بەرپرسی دەستەی کارگێڕیی مەکتەبی سیاسیی پارتی ڕایگەیاند: "پارێزگاری کەرکووک کە بەو شێوەیە بووە پارێزگار بە بڕوای من ستەمی لێکرا کە کرا بە پارێزگار، چونکە ئەوەی پێشتر کراوە بەو پارێزگارە ناگۆڕێت. نە تەعریب هەڵدەگیرێت، نە ئەو سیاسەتەی بەرامبەر کورد و تورکمان دەگیرێتەبەر، نامێنێت".&nbsp;
&nbsp;
حەلبووسی سوننەی پەرتەوازە کرد
&nbsp;
&nbsp;سەبارەت بەو دەنگە نەشازانەی بەرامبەر بە کورد و پێشمەرگە بەرزبووەتەوە، بە دیاریکراویش لەلایەن محەممەد حەلبووسییەوە، فازڵ میرانی ئاماژە بۆ ئەوە دەکات: "حەلبووسی برپرسیاریێتیەکی مێژوویی دەکەوێتە ئەستۆ لە بەرامبەر بە پەرتەوازەکردنی سوننە، سوننەی وا لاواز کرد کە هیچ ئیرادەیەکی نەماوە و هیچ حیسابێکی بۆ نەکرێت".
&nbsp;
میرانی دەشڵێت: "جارێک لەگەڵ ئەملاو جارێک لەگەڵ ئەولا، کورد دەڵێت ئەوەی لەسەر دوو دار یاری بکات یەکێک دەچێتە نێو سکی. بە بڕوای من دارەکە چووە نێو سکی کاتێک لە پەرلەمان بە ئیهانە دەرکرا، نەشیتوانی بەرگریی لەخۆی بکات. حەقیقەتەکە ئەوەیە کە دەیڵێن، بەڵام بارودۆخ حکوم دەکات، لە هەندێک بارودۆخ ئەم قسانە دەکەن و هەندێک جاریش نایکەن".

دیداری تایبەت؛ فازڵ میرانی لە ئاڤاوە وەڵامی لایەنەکان دەداتەوە

ئاڤا نیوز پسپۆرێکی دارایی گشتیی ئاشکرای دەکات، عێراق داوای هاوکاری لە هەرێمی کوردستان کردووە بۆ گواستنەوەی ئەزموونی حوکمڕانیی هەرێمی کوردستان، بە تایبەت لە بابەتی کارەبای 24 کاتژمێریدا. چیرۆکی سەرەکی:&nbsp;زاگرۆس فەتاح، پسپۆری دارایی گشتیی و ئەندامی مەکتەبی سیاسیی پارتی لە چوارچێوەی بەشداریکردنی لە بەرنامەی (گفتوگۆی ڕۆژان) لە ئاڤا میدیا باسی لایەنە سەرکەوتووەکانی مۆدێلی حوکمڕانیی هەرێمی کوردستان و گواستنەوەی بۆ عێراق کرد. لێدوانی فەرمی:&nbsp;زاگرۆس فەتاح بە ئاڤای ڕاگەیاند، کارەبای 24 کاتژمێری بیرۆکەیەکی جوانی سەرۆکوەزیران مەسرور بارزانی بوو، بە میکانیزمێکی تازەی نوێگەری توانرا گرفتی کارەبا چارەسەر بکات کە کێشەیەکی جەوهەری چەندین ساڵە بوو. لەلایەکی دیکەوە: سەبارەت بە پڕۆژەی هەژماری من، زاگرۆس فەتاح وتی، &nbsp;ئەجێندای سەرۆکی حکومەت ئەوە نەبوو کە کارمەندانی حکومەت لەڕێگەی بانکەوە تەنیا پارەیان پێ بدرێت، بەڵکو جگە لە وەرگرتنی مووچە، دەتوانن قەرزیش وەربگرن، بەڵام تەوتین تەنیا گواستنەوەی پارەیە لە حکومەتەوە بۆ هاووڵاتیان، ئەویش لە ڕێگەی ئەو بانکانەی بەشدارن. ئاماژە بەوەش دەکات، لە پرۆژەی "هەژماری من" کۆمەڵێک خزمەتگوزاری دیکە هەیە و دەتوانرێت جێبەجێ بکرێن، بۆ نمونە پارەدانی "ئاو، کارەبا، باج و ڕسومات" لەڕێگەی هەژماری منەوە جێبەجی دەکرێن.

دیداری تایبەت؛ زاگرۆس فەتاح، پسپۆڕی دارایی میوانی ڕۆژانە و باس لە کارەکانی کابینەی نۆ دەکات

ئاڤا نیوز
&nbsp;
باڵیۆزی ڕووسیا لە عێراق ڕایدەگەیێنێت، ڕووسیا ساڵانە 360 کورسی خوێندنی خۆڕایی لە زانکۆ حکومییەکانیدا بۆ قوتابیانی عێراقی تەرخان دەکات، کە 70 کورسییان بە تایبەتی بۆ قوتابیانی هەرێمی کوردستانە، ئەمەش وەک کارێکی لە پێشینە بۆ پتەوکردنی پەیوەندییە پەروەردەیی و کولتوورییەکان.
&nbsp;
چیرۆکی سەرەکی: ئێلبروس کۆتراشێڤ، باڵیۆزی ڕووسیا لە عێراق، لە دیمانەیەکی تایبەتیدا لەگەڵ ئاڤا میدیا لە بەشێک لە قسەکانی باسی پرسی زەمالەی خوێندنی بۆ قوتابیانی کورد لە ڕووسیا کرد.
&nbsp;
لێدوانی فەرمی: ئێلبروس کۆتراشێڤ، باڵیۆزی ڕووسیا لە عێراق ئاشکرای کرد، پرسی خوێندن یەکێکە لە کارە پێشینەییەکانی پەیوەندییەکانی نێوان ڕووسیا و عێراق و هەرێمی کوردستان. ئەو شانازی بە پەیوەندییە مێژووییە کولتووری و پەروەردەییەکانی نێوان هەردوولا دەکات و بە ئاسۆیەکی ڕوون بۆ داهاتوو ناوی دەبات.
&nbsp;
زانیاریی زیاتر: باڵیۆز ڕایگەیاند، ساڵانە 360 کورسی خوێندنی خۆڕایی لە زانکۆ حکومییەکانی ڕووسیا بۆ قوتابیانی عێراقی تەرخان کراوە. لەو ژمارەیە، 70 کورسی تایبەت کراوە بە قوتابیانی هەرێمی کوردستان، ئەمەش بەپێی لێکتێگەیشتنێک لەگەڵ بەغدا.
&nbsp;
جگە لە کورسییە خۆڕاییەکان، بە هەزاران قوتابی دیکەی عێراقی و کورد بە خەرجیی تایبەتی خۆیان لە زانکۆکانی ڕووسیادا دەخوێنن، ئەمەش نیشانەی بایەخدانی گەنجانە بە خوێندن لە ڕووسیا.
&nbsp;
خاڵە ئەرێنییەکان: باڵیۆز جەختی لەوە کردەوە کە هەماهەنگیی کولتووری و پەروەردەیی بۆ چەندین ساڵ و تەنانەت سەدەیەک بەردەوام دەبێت، بە پێچەوانەی هەماهەنگیی ئابووری کە زوو دەگۆڕێت.

دیداری تایبەت لەگەڵ کونسوڵی ڕووسیا لە عێراق

ئاڤا نیوز
&nbsp;
وەزیری ئاوەدانکردنەوەی عێراق دڵنیایی لەبارەی مووچەکانی مانگی 11 و12 دەدات دەدات و دەڵێت، "مووچەی مانگەکانی یازدە و دوازدەی ئەمساڵ بە گەرەنتیەوە دەدرێت و هەوڵیش بۆ دابینکردنی مووچەی مانگەکانی نۆ و 10 ئەمساڵ هەیە".
&nbsp;
وێنە گەورەکە؛&nbsp;مووچەخۆرانی کوردستان دوو مووچە لەدوای مووچەخۆرانی عێراقەوەن؛ بەجۆرێک بەغدا دەستیکردووە بە دابەشکردنی مووچەی مانگی 11ـی مووچەخۆرانی خۆی بەڵام هێشتا مووچەی مانگی 9ـی مووچەخۆرانی کوردستانی نەناردووە، ئێستا هەوڵەکانی حکومەتی کوردستان بۆ ئەوەیە هیچ مووچەیەکی ئەمساڵی خەڵکی کوردستان نەفەوتێت.
 لێدوانی فەرمی؛&nbsp;بەنگین ڕێکانی، وەزیری ئاوەدانکردنەوەی عێراق بە ئاڤا بەهدینانی ڕاگەیاند، "هیچ دووڵییەک لەسەر مووچەی مانگەکانی 11 و 12 ئەمساڵ نییە و بەبێ کێشە خەرج دەکرێت. ئەوەی کە جێگای گفتوگۆکردنە و هێشتا سەداسەد نەگەیشتوونە خاڵی کۆتایی لێکتێگەیشتن، هەردوو مووچەی مانگەکانی &nbsp;9 و 10ەیە کە گەشبینین یەکێکیان زوو خەرج بکرێت".
 بەنگین ڕێکانی &nbsp;لە دیدارێکدا کە ئەمشەو کاتژمێر 8:00 لەسەر شاشەی ئاڤا پەخش دەکرێت، ئاشکراشی کرد،&nbsp;چەند ڕۆژێک لەمەوبەر سەرۆکوەزیران مەسرور بارزانی و محەممەد شیاع سوودانی، سەرۆکوەزیرانی عێراق&nbsp;لە پەیوەندییەکی تەلەفۆنیدا قسەیان کردووە و پێشبینی دەکرێت لە داهاتوویەکی نزیکدا کۆببنەوە.
&nbsp;
ئەوەی پێویستە بیزانیت؛&nbsp;لەسەر پرسی مووچەی مانگەکانی نۆ و 10 فەرمانبەرانی هەرێمی کوردستان، بەنگین ڕێکانی ئاماژەی بەوەدا کە تا ئێستا بابەتی خەرجکردنی ئەو دوو مووچەیە یەکلانەبووەتەوە. بەڵام هەوڵەکان بەردەوامن بۆ ئەوەی هەرێم و بەغدا بگەنە ڕێککەوتن.&nbsp;بەغدا داوای زیادکردنی 120ملیار دیناری داهاتی ناوخۆی هەرێمی کوردستان دەکات، لە کاتێکدا شاندی هەرێم داوای کەم کردنەوەی ئەو بڕە دەکات.

دیداری تایبەت لەگەڵ بەنگین ڕێکانی، وەزیری ئاوەدانکردنەوەی عێراق

ئاڤا نیوز بەرپرسی مەكتەبی ڕێكخستنی پارتی دیموكراتی كوردستان ئاشكرای دەكات، هەر لە ئێستاوە چەندین لایەنی عێراقی پەیوەندییان بە پارتییەوە كردووە، بەمەبەستی دانوستان و ڕێككەوتن بۆ پێكهێنانی حكومەتی داهاتووی عێراق. 
ئەوەی پێویستە بیزانیت:&nbsp;دوای بەدەستهێنانی متمانەی یەك ملیۆن و 109 هەزار و 846 دەنگدەر لە هەڵبژاردنی خولی شەشەمی ئەنجوومەنی نوێنەرانی عێراقی و بردنەوەی ڕیزبەندی یەكەمی سەرجەم حیزبەكانی عێراق، ئێستا پارتی وەك ژمارەیەكی قورسی هاوكێشە سیاسییەكانی عێراق سەیر دەكرێت و جگە لە لایەنە كوردستانییەكان، سەرجەم لایەنەكانی نێو پێكهاتەی شیعە و سوننەش گەیشتوونەتە ئەو قەناعەتەی كە بێ پارتی هیچ هەنگاوێك ناتوانرێت بهاوێژرێت. 
چیرۆكی سەرەكی:&nbsp;د. هێمن هەورامی، ئەندامی مەكتەبی سیاسیی پارتی دیموكراتی كوردستان و بەرپرسی مەكتەبی ڕێكخستنی ئەو حیزبە، میوانی بەرنامەی گفتوگۆی ڕۆژان بوو، وەڵامی چەندین پرسیاری پەیوەست بە حیزبەكەی دایەوە، لەبارەی بەڕێوەچوونی هەڵبژاردن و ناكۆكیە سیاسییەكان و پرسی پێكهێنانی كابینەی داهاتووی هەردوو حكومەتی هەرێمی كوردستان و حكومەتی فیدڕاڵ. 
لێدوانی فەرمی:&nbsp;لەبارەی ئەنجامی پارتی و ئەگەرەكانی پێكهێنانی حكومەتی داهاتووی فیدڕاڵ، هێمن هەورامی، ئەندامی مەكتەبی سیاسیی پارتی وتی، "دوای سەركەوتنە مەزنەكەی پارتی لەم هەڵبژاردنە كە بۆ یەكەمجاربوو لە مێژووی هەڵبژاردنەكانی عێراق، حیزبێك سەرووی ملیۆنێكی 100 هەزار دەنگ بەدەستبهێنێت، هاوپەیمانی و لایەنە سیاسییەكانی عێراق لە پێكهاتەی شیعە و سوننە لە ئێستاوە پەیوەندیی بە پارتییەوە دەكەن بۆ گفتوگۆ و دانووستان، لەو چوارچێوەیەشدا لە هەفتەی داهاتووەوە، سەری بڵند دەبێتە ڕووگەی هێز و لایەنە سیاسییەكان بەمەبەستی دانووستان بۆ ڕێككەوتن و پێكهێنانی كابینەی داهاتووی حكومەتی فیدڕاڵ. 
- هەورامی دووپاتیشی كردەوە، پارتی بەكۆمەڵێك داواكاری و پێش مەرجەوە دەچێتە نێو گفتوگۆكانی پێكهێنانی حكومەت و لەسەر ئەو بنەمایەش ڕێككەوتن لەگەڵ لایەنەكان دەكات، ئەمجارە دەبێت پرسە دەستووری و یاساییەكان بەشێوەیەكی یەكجارەكی چارەسەر بكرێن و چیتر پێشێلی مافەكانی خەڵكی كوردستان نەكرێت. 
- ئەو ئەندامەی مەكتەبی سیاسیی پارتی ئەوەشی باسكرد، بەلای پارتی پۆست گرنگ نییە، ئەوەندەی زامنكردنی مافەكانی خەڵكی كوردستان گرنگن، پارتی ڕژدە لەسەر نەهێشتنی پێشێلكارییە دەستوورییەكان بەرامبەر خەڵكی كوردستان.

ئاڤا یەكەمە