ئاڵوگۆڕی بازرگانی نێوان چین و ڕووسیا لەساڵی 2023 ئاستی مێژوویی تۆمار دەكات

 ئاڤا دیجیتاڵ

به‌پێی ئاماره‌ فه‌رمییه‌كانی چین، ئاستی ئاڵوگۆڕی بازرگانی نێوان چین و رووسیا له‌ ساڵی 2023، زیاتر بووه‌ له‌ 240 ملیار دۆلار، به‌مه‌ش ئه‌و ئاسته‌ی تێپه‌ڕاند كه‌ هه‌ردوو وڵات له‌ كۆبوونه‌وه‌كانی ساڵی رابردوویاندا  دیارییان كردبوو كه‌ 200 ملیار دۆلار بوو.

 

له‌به‌رامبه‌ردا ئاستی ئاڵوگۆڕی بازرگانی نێوان چین و ئه‌مه‌ریكا بۆ یه‌كه‌مجارو له‌ دوای ساڵی 2019 دابه‌زیوه‌، ساڵی 2023 ئاستی ئاڵوگۆڕی نێوان ئه‌و دوو وڵاته‌ 664 ملیار دۆلار بووه‌، به‌راورد به‌ ساڵی 2022 به‌رێژه‌ی 11.6٪ كه‌میكردووه‌.

وانگ لینگ جون به‌رپرسی گومرگه‌كانی چین رایگه‌یاند، له‌ ساڵی 2024 ئابووری چین روبه‌روی ئاڵنگاری و به‌ربه‌ست ده‌بێته‌وه‌، به‌هۆی ئه‌و دۆخه‌ی له‌ جیهاندا درووستبووه‌.

به‌پێی ئاماره‌كان، هه‌نارده‌ی چین  ساڵی ڕابردوو به‌گشتی به‌رێژه‌ی 4.6 ٪ كه‌میكردووه‌، ئه‌وه‌ش یه‌مكجاره‌ رێژه‌كه‌ به‌و ئاسته‌ كه‌م بكات له‌ ساڵی 2016وه‌، هه‌روه‌ها هاورده‌كردنیش به‌رێژه‌ی 5.5٪ كه‌میكردووه‌.