قەدەغەی سەر هاوردەکردنی هەنار هەڵگیرا

ئاڤا نیوز

 

دوای کەمبوونەوە و گرانبوونی نرخی بەرووبوومی هەناری ناوخۆ لە بازاڕەکانی هەرێمی کوردستاندا، وەزارەتی کشتوکاڵ و سەرچاوە ئاوییەکانی هەرێمی کوردستان، قەدەغەی سەر هاوردەکردنی هەناری هەڵگرت.

 

ڕاگەیێنراوی فەرمی: وەزارەتی کشتوکاڵ و سەرچاوە ئاوییەکانی هەرێمی کوردستان ڕاگەیاند: ڕۆژی 12-1-2025 لە پێناو بەرژەوەندی گشتیی و پاڵپشت بەیاسای پاراستن و پێشخستنی بەروبوومی کشتوکاڵی، بڕیاری قەدەغەکردنی هاوردەکردنی هەنار لە دەرەوە بۆ نێو هەرێمی کوردستان هەڵگیرا.

 

وەزارەتی کشتوکاڵ ڕاشیگەیاندووە، نووسراوی فەرمی ئاڕاستەی لایەنە پەیوەندیدارەکانی حکومەتی هەرێمی کوردستان کراوە، بۆ ئەوەی ڕێککاری کارگێڕی و یاسایی بۆ جێبەجێکردنی بڕیارەکە بگرنەبەر.

 

ئەوەی پێویستە بیزانیت: بڕیاری هەڵگرتنی قەدەغە لەسەر هەنار دوای ئەوەهات، ماوەیەکە بەرووبوومی هەناری ناوخۆیی لە بازاڕەکانی هەرێمی کوردستاندا کەمبووەتەوە و نرخەکەشی بەڕێژەیەکی بەرچاو زیادیکردووە.