
باڵەخانەی یەکێک لە زانکۆکانی چین
ئاڤا نیوز
وەزارەتى خوێندنى باڵا و توێژینەوەى زانستى ڕایگەیاندووە، وڵاتی کۆماری میللی چین زەمالەی خوێندنی ماستەر و دکتۆرای بە مامۆستا و فەرمانبەران و هاونیشتمانیانی هەرێمی کوردستان دەبەخشێت، بەڵام بە کۆمەڵێک مەرج.
وێنە گەورەکە: کورسی خوێندن، لەلایەن زانکۆی وڵاتانەوە دابین دەکرێت و دەبەخشرێت بە وڵاتانی دیکە، ئەمەش لە پێناو ئاسانکاری و سوودبینین لە توانای زانستی ئەو زانکۆیانە. وڵاتی بەخشەر تێچووی خوێندنەکە دابین دەکات.
ڕاگەیێنراوی فەرمی: وەزارەتی خوێندنی باڵا و توێژینەوەی زانستی دەڵێت: زەمالەى خوێندنى ماستەر و دكتۆرا (MOFCOM- CSC) لەلایەن چینەوە دابینکراوە و پێشکەش بە هەرێمی کوردستان کراوە، بەڵام کۆمەڵێک مەرج و ڕێنمایی دیاریکراوە. 2025-05-18، دوا وادەیە بۆ پێشکەشکردنی داواکارییەکە.
چین بۆ خوێندنی ماستەر و دکتۆرا ئەم مەرجانەی دیاریکردووە:
٠ پێویستە داواکار دانیشتووی هەرێمی کوردستانی عێراق و هەڵگری ڕەگەزنامەی عێراقی بێت.
٠ داواکار دەبێت تەمەنی لە 45 ساڵ کەمتر بێت و ڕەوشی تەندروستی باش بێت.
٠ فەرمانبەرى دامودەزگاکانی حکومەتی هەرێمی کوردستان كە دوو ساڵ خزمەتی هەیه، هاندهدرێت بۆ پێشكهش كردنی ئهم زهمالهیه.
وەزارەتی خوێندنی باڵا دەڵێت داواکار پێویستە ئەم دۆکیۆمێنتانە ئامادە بکات:
٠ پێویستە بڕوانامەی دەرچوون ئامادە بکەیت کە پشراستکرابێتەوە لە لایەن وەزارەتی خوێندنی باڵا، وەزارەتی داد، فەرمانگەی پەیوەندییەکانی دەرەوە و نوسینگەی پشتراستکردنی بروانامەکانی سەر بە وەزارەتی دەرەوەی عێراق لە هەرێمی کوردستان.
٠ بڕوانامەی بە نمرە بە هەمان شێوەی خالی یەکەم.
٠ بڕوانامەی تایبەت بە نەبوونی پێشینەی تاوان و ئەستۆپاکی کە لە لایەن وەزارەتی داد و فەرمانگەی پەیوەندییەکانی دەرەوە پشتڕاستکرابێتەوە.
٠ بڕوانامەی تەندروستی کە لە لایەن وەزارەتی تەندروستی، وەزارەتی داد، فەرمانگەی پەیوەندییەکانی دەرەوە و نوسینگەی پشتراستکردنی بڕوانامەی سەر بە وەزارەتی دەرەوەی عێراق لە هەرێمی کوردستان پشتڕاستکرابێتەوە.
٠ تێستی زمانی ئینگلیزی وەک تۆیفل و ئایڵتس ئەگەر یەکێکیانی هەبێت ئامادەی بکات.
٠ دوو نووسراوی (Recommendation) لە لایەن مامۆستایانی زانکۆکەی یا لە شوێنی کار ئامادە بکرێت.
٠ پاسپۆرتی داواکار مەرجە ماوەی بەسەرچوونی لە شەش مانگ کەمتر نەبێت.
٠ سی ڤی و پێرسنەل ستەیتمێنتی داواکار.
مەرجە سەرەکییەکان: مەرجەکانی وەزارەتی خوێندنی باڵا بۆ ماستەر ئەمانەن:
٠ دانیشتووی هەرێمی کوردستان بێت.
٠ فەرمانبەر و مامۆستا، دوو ساڵ خزمەت بەسەر دواین بڕوانامەی تێپەڕ بووبێت.
٠ کۆنمرەی بەکالۆریۆسی لە 65 کەمتر نەبێت.
٠ ئاستی توانستی زمانی داواکراو لە بەرنامەیەک بۆ بەرنامەیەک جیاوازە.
٠ دەبێت لە هەمان بواری بەکالۆریۆسەکەی داواکاری خوێندن پێشکەش بکات.
٠ ئەوەی ناوی دەردەچێت ئەگەر فەرمانبەر و مامۆستا بێت تەنیا مۆڵەت و مووچەی بنەڕەتی و دەرماڵە جێگیرەکانی بۆ خەرج دەکرێت.
٠ چین تێچووی خوێندنەکەی لە ئەستۆ دەگرێت.
بۆ خوێندنی دکتۆرا ئەم مەرجانە دیاریکراون:
٠ دانیشتووی هەرێمی کوردستان بێت.
٠ فەرمانبەر و مامۆستا، دوو ساڵ خزمەت بەسەر دواین بڕوانامەی تێپەڕ بووبێت و بۆ دەرچووانی تواناسازی پێنج ساڵ خزمەتییان هەبێت.
٠ کۆنمرەی ماستەری لە 70 کەمتر نەبێت.
٠ مەرجەکانی دیکە هەمان مەرجی خوێندنی ماستەرن.
٠ داواکار تەنیا لەڕێگەی ئەم ماڵپەڕەوە داواکاری پێشکەش دەکات [email protected]
زیاتر لەسەر ئەم بابەتانە بکۆڵەرەوە
دوایین هەواڵەکان
- ببینە و ببیستە
- 4 کاتژمێر لەمەوپێش
ڕاپۆرتی تایبەت؛ چیرۆکی قەڵای کچانت لە ئیستەنبووڵ بیستووە؟
- ڕۆژهەڵاتی ناوەڕاست
- 4 کاتژمێر لەمەوپێش
ئێران: دەستبەرداری پیتاندنی یۆرانیۆم نابین
- بزنس
- 5 کاتژمێر لەمەوپێش
بۆ دابەشکردنی مووچە سبەی بانکەکان کراوە دەبن
هەڵبژاردەکان بۆ تۆ
نمایشی جلوبەرگی کولتووری لە شاری وان بەڕێوەچوو
17 کاتژمێر لەمەوپێش
لەدایکبووانی 2007 لە هەڵبژاردنی عێراق دەنگ دەدەن
17 کاتژمێر لەمەوپێش
سندووقى فیلم بۆ بەرهەمهێنانی فیلمی كوردی دروست دەكرێت
15 ئایار
ترەمپ سەردانی مزگەوتی گەورەی شێخ زایدی لە ئەبوزەبی کرد
15 ئایار
کەسانی خاوەن پێداویستی تایبەت لە باجی هاوردەکردنی ئۆتۆمبێل دەبەخشرێن
15 ئایار
- هەواڵ
- 6 کاتژمێر لەمەوپێش
وەزارەتی ناوخۆ لە خنکانی دوو کارمەندی بەرگریی شارستانی دەکۆلێتەوە
- هەواڵ
- 7 کاتژمێر لەمەوپێش
هەموو هەینییەک وەرزشی بەردەوانی لە بناری چیای سەفین دەکرێت
- هەواڵ
- 8 کاتژمێر لەمەوپێش
نزیکەی هەزار حەجخوازی دیکە لە هەولێرەوە بەرەو سعوودیە بەڕێ دەکەون