نەوت بە سەر خێزانە کەمدەرامەتەکان دابەش دەکرێت

ئاڤا نیوز

وەزارەتی سامانە سرووشتییەکانی هەرێمی کوردستان، لە سەرجەم پارێزگاکاندا نەوت بەسەر خێزانە کەمدەرامەتەکان دابەش دەکات لە هەر پارێزگایەک نزیکەی 10 هەزار خێزان سوودمەند دەبن.

چیرۆکی سەرەکی: وەزارەتی نەوتی عێراق سێ ملیۆن لیتی نەوت بۆ هەرێمی کوردستان ڕەوانە دەکات، وەزارەتی سامانە سرووشتییەکان لەگەڵ وەزارەتی کار هەماهەنگی دەکات، بۆ ئەوەی بەسەر خێزانە کەمدەرامەتەکان دابەش بکرێت.

زانیاریی تایبەت: ئەو بڕە نەوتەی دێت بەسەر هەرچوار پارێزگا دابەش دەکرێت، بۆ هەولێر یەک ملیۆن، دهۆک یەک ملیۆن، سلێمانی و هەڵەبجە یەک ملیۆن لیتر دەبێت، بەپێی لیستی کەمدەرامەتان و خاوەن پێداویستییەکان لە وەزارەتی کار نەوتەکە دابەش دەکرێت.

زانیاریی زیاتر: بڕیارە ئەم هەفتەیە نەوتەکە بگاتە خەزانەکان، بەسەر پارێزگاکاندا دابەش دەکرێت، هەر خانەوادەیەک 100 لیتر نەوتی سپی پێدەدرێت.