لە ساڵێكدا 94 پرۆژە لەسنووری شارەوانییەكانی دەوروبەری سۆران جێبەجێكراون

ئاڤا نیوز

لە سنووری شارەوانییەكانی سۆران، لەماوەی ساڵێكدا 94 پرۆژەی خزمەتگوزاری بە گوژمەی زیاتر لە 65 ملیار دینار جێبەجێكراون، ڕەزامەندیش بۆ 31 پرۆژەی دیكە وەرگیراوە كە بە گوژمەی زیاتر لە شەش ملیار و 758 ملیۆن دینار جێبەجێ دەكرێن.

زانیاریی بەدەستهاتوو: بەڕێوەبەرایەتیی گشتیی شارەوانییەكانی سۆران، ئاماری پرۆژە خزمەتگوزارییەكانی سنووری 22 شارەوانیی سۆرانی بڵاوكردووەتەوە كە لە ماوەی یەک ساڵدا جێبەجێ كراون یاخود لە قۆناغی جێبەجێكردن دان.

ژمارەكان وادەڵێن: 94 پرۆژەی خزمەتگوزاری بە گوژمەی 65 ملیار و 620 ملیۆن و 771 هەزار دینار جێبەجێكراون، هەروەها 31 پرۆژەش بە گوژمەی شەش ملیار و 758 ملیۆن و 287 هەزار دینار ڕەزامەندی داراییان بۆ وەرگیراوە و لە قۆناغی جێبەجێكردندان.

22 پرۆژەی دیكەش بە گوژمەی هەشت ملیار و 570 ملیۆن و 769 هەزار دینار ئێستا لە قۆناغی تەندەردان.

دوو پرۆژە لەسەر پلانی وەزارەتی شارەوانی و گەشتوگوزار بە گوژمەی 43 ملیۆن دینار بەهەمان شێوە لە قۆناغی جێبەجێكردندان.

ئەوەی پێویستە بیزانیت: ئەو ئامارە تایبەتە بە بەڕێوەبەرایەتیی گشتیی شارەوانییەكانی سۆران، نێو سەنتەری شاری سۆران ناگرێتەوە، سەنتەری شار سەر بە سەرۆكایەتیی شارەوانیی سۆران، ئەو ئامارە تەنیا هی 22 شارەوانییەكانی دەوروبەری شاری سۆرانن لە سنووری بەڕێوەبەرایەتیی گشتیی شارەوانییەكانی سۆران.