28ـی ئەم مانگە دوا وادەیە بۆ هەڵبژاردنی سەرۆککۆماری عێراق

ئاڤا نیوز

پەرلەمانتارێکی پارتی دیموکراتی کوردستان ڕایگەیاند، بەپێی وادە دەستوورییەکان دەبێت تا 28ـی ئەم مانگە سەرۆککۆمار هەڵبژێردرێت. 

چیرۆکی سەرەکی: ئەمڕۆ دووشەممە وادەی خۆپاڵاوتن بۆ پۆستی سەرۆککۆماری عێراق کۆتاییهات، 81 کەس خۆیان بۆ پۆستەکە کاندید کردووە و cv خۆیان پێشکەش بە لیژنەی یاسایی پەرلەمانی عێراق کردووە.

لێدوانی فەرمی: سیبان شێروانی، پەرلەمانتاری فراکسیۆنی پارتی لە پەرلەمانی عێراق ڕاگەیاند: "بەپێی دەستوور دەبێت لە ماوەی 30 ڕۆژدا دوای هەڵبژاردنی سەرۆکی پەرلەمان، سەرۆککۆمار هەڵبژێردرێت. چونکە هەڵبژاردنی سەرۆکی پەرلەمان لە 29-12 بوو، بۆیە 28ـی ئەم مانگە دەبێتە دوا وادە بۆ هەڵبژاردنی سەرۆک کۆماری عێراق.

ئاماژەی بەوەشکرد، پارتی کاندیدی خۆی دەبێت و یەکێتیش کاندیدی دەبێت، بەڵام هیوادارین بگەینە ڕێککەوتن بۆ دیاریکردنی کاندیدێکی هاوبەش کە نوێنەرایەتی هەموو لایەنە کوردییەکان بکات لە بەردەم پەرلەمان."