ماکرۆن بۆ مەزڵووم عەبدی: پاڵپشتی لە بەردەوامبوونی ئاگربەست دەکەین

ئاڤا نیوز

ئیمانوێل ماکرۆن، سەرۆکی فەرەنسا لە پەیوەندییەکی تەلەفۆنییدا لەگەڵ مەزڵووم عەبدی، فەرماندەی گشتیی هەسەدە، پاڵپشتیی تەواوی خۆی بۆ بەردەوامی ئاگربەست و دەستپێکردنەوەی دانوستانە سیاسییەکان لە سووریا دووپات کردەوە.

لێدوانی فەرمی: ئیمانوێل ماکرۆن، سەرۆکی فەرەنسا ڕایگەیاند: "پاڵپشتیی ئەو لایەنانە دەکەین کە کار بۆ ڕاگرتنی شەڕ و دەستپێکردنەوەی دانوستان دەکەن، چونکە ئەم هەنگاوە خزمەت بە بەرژەوەندیی تەواوی ناوچەکە دەکات و پێویستە بگەینە چارەسەرێکی هەمیشەیی بۆ قەیرانەکە".

زانیاریی زیاتر: گفتوگۆکانی نێوان ماکرۆن و عەبدی جەختکردنەوە بوون لەسەر جێبەجێکردنی ئەو ڕێککەوتنانەی کە لە چەند ڕۆژی ڕابردوودا لەگەڵ حکومەتی سووریا واژۆ کراون.

ئەوەی پێویستە بیزانیت: سەرۆکی فەرەنسا ئاماژەی بەوە کرد کە پاراستنی مافی هەموو پێکهاتەکان بنەمای سەرەکیی سەقامگیریی سووریایە و دەبێت پڕۆسەی سیاسیی جێگەی ململانێ سەربازییەکان بگرێتەوە.