ئاڤا نیوز خشتەی مووچە بڵاو دەکاتەوە

ئاڤا نیوز

 

خشتەی مووچەی مانگی حوزەیرانی مووچەخۆرانی هەرێمی کوردستان بۆ یەکەمجار لە ئاڤا نیوز بڵاو دەکرێتەوە و بەپێی خشتەکە لە ماوەی دوو ڕۆژی ئایندەدا مووچەی سەرجەم فەرمانبەران جگە لە پێشمەرگە و هێزە ئەمنییەکان دابەش دەکرێت. 

وێنە گەورەکە: ڕۆژی سێشەممە 09-07-2024 وەزارەتی دارایی و ئابووریی هەرێمی کوردستان ڕایگەیاند: بڕی 421 ملیار و 760 ملیۆن دیناری دیکە گەیشتووەتە دەستیان، وەک بەشێک لە شایستەی مووچەی مانگی حوزەیرانی فەرمانبەرانی شارستانی هەرێمی کوردستان، هەروەها لە ڕێکەوتی 04-07-2024، بەغدا بڕی 231 ملیار و 605 ملیۆن و 531 هەزار دینار وەک مووچەی مانگی حوزەیران ناردبوو.

 

زانیاریی بەدەستهاتوو: بەپێی زانیارییەکانی ئاڤا نیوز ڕۆژی چوارشەممە 10-07-2024 دەست بە دابەشکردنی مووچە دەکرێت و تاوەکو ڕۆژی دواتری مووچەی سەرجەم وەزارەتەکان بەپێی ئەم خشتەیە دابەش دەکرێت:- 

 

 

لەلایەکی دیکەوە: سەبارەت بە مووچەی هێزی پێشمەرگە شۆڕش ئیسماعیل، وەزیری پێشمەرگەی حکومەتی هەرێمی کوردستان لە کۆنگرەیەکی ڕۆژنامەوانیدا ڕایگەیاند: لیژنەیەک لە بەغداوە هاتووەتە هەرێمی کوردستان و ئەمڕۆ سەردانی وەزارەتی پێشمەرگە و یەکەکانی 70 و 80 دەکەن، بۆ  وردبینی لە لیستی مووچەی هێزی پێشمەرگە. دڵنیایشی دا کە دوای ئەم پرۆسەیە ڕەزامەندی دەدرێت و لەم دوو سێ ڕۆژەدا کێشەکە چارەسەر دەبێت.