بەحرەین سەركۆنەی هێرشەكانی سەر هەولێر دەكات

ئاڤا دیجیتاڵ

 

سەرۆكوەزیران بارزانی لەدرێژەی كار و چالاكیەكانی لە داڤۆس، لەگەڵ شاندێكی شانشینی بەحرەین كۆبووەوە، شاندەكە بەناوی شای بەحرەین سەركۆنەی هێرشەكانی شەوی ڕابردووی سەر هەولێریان كرد.

 

چیرۆکی سەرەکی: ئەمڕۆ سێشەممە 16-01-2024 لە داڤۆس، سەرۆکوەزیران بارزانی لەگەڵ شاندێکی شانشینی بەحرەین بە سەرۆکایەتیی  شێخ سەلمان بن خەلیفە ئال خەلیفە وەزیری دارایی و ئابووریی نیشتمانی کۆبووەوە.

 

لێدوانی فەرمی: "شاندەکە بە ناوی خاوەنشکۆ شا حەمەد بن عیسا ئال خەلیفە، شای بەحرەین سەرکۆنەی هێرشەکانی سەر هەولێریان کرد و پرسە  و هاوخەمی وڵاتەکەیان پێگەیاندین، ئامادەیی شانشینی بەحرەینیان بۆ پەرەپێدانی پەیوەندییەکان لەگەڵ هەرێمی کوردستان لە بوارە جۆراوجۆرەکاندا نیشاندا".سەرۆكوەزیران بارزانی ئەوەی ڕاگەیاندووە.

 

بابەتی ستراتیژی: سەرۆكوەزیران بارزانی سوپاسی پشتیوانیی شانشینی بەحرەین و بەتایبەتی خاوەنشکۆ شا حەمەد بن عیسای کرد و خواستی بەهێزترکردنی پەیوەندیی دوولایەنەیان نیشاندا.