لە یەمەنەوە موشەکێک ئاراستەی ئیسرائیل دەکرێت

ئاڤا نیوز

سوپای ئیسرائیل ئاشكرای کرد، مووشەکێک لەیەمەنەوە ئاراستەی وڵاتەکەیان کراوە و ڕێگرییان له‌ ته‌قینه‌وه‌ی كردووه‌، هاوکات زەنگی ئاگادارکردنەوە لە تەلئەبیب و قودس و دەیان ناوچەی دیکە لێدرا.

وێنە گەورەکە: لە گەڵ سەرهەڵدانی شەڕ لە غەززە و لوبنان تاوەکو ئێستا، حوسییەکان بە درۆن و مووشەک دەیان هێرشیان کردووەتە سەر ئیسرائیل و بەرژەوەندییەکانی ئەمریکایان لەدەریای سوور کردووەتە ئامانج.

ڕاگەیێنراوی فەرمی: سوپای ئیسرائیل ڕایگەیاند: بەرگریی ئاسمانیی ئیسرائیل ڕێگری لەموشەکێک کردووە کە لە یەمەن ئاراستەی ئیسرائیل کرابوو.

سوپای ئیسرائیل ئاماژەی بەوەشکرد، زەنگی ئاگادارکردنەوە لە چەندین ناوچەی ئیسرائیل لێدراوە و وردەکارییەکان لەژێر لێکۆڵینەوەدان.

لەلایەکی دیکەوە:  بەشێک لە میدیا ئیسرائیلییەکان ئاماژەیان بەوەدا،  زەنگی ئاگادارکردنەوە لە تەلئەبیب و قودس و دەیان ناوچەی دیکە بیستراوە، هاوکات گرتەیەکی ڤیدیۆییان بڵاوکردەوە، تێپەڕبوونی مووشەکە یەمەنییەکە بە ئاسمانی ئیسرائیلدا پیشان دەدات.