بەلەمێك ژێرئاو دەكەوێت و دەیان كۆچبەر دەخنكێن

ئاڤا نیوز

 

بەلەمێکی کۆچبەران کە 260 کۆچبەری دەگواستەوە لە کەناراوەکانی یەمەن ژێرئاو کەوت، بە هۆیەوە لانیکەم 39 کەس گیانیان لەدەست دا. 

وێنە گەورەكە: ساڵانە دەیان هەزار کۆچبەر لە ئەفریقاوە ڕێگای دەریای سوور بۆ کۆچکردن دەگرنە بەر. 

 

ڕاگەیێنراوی فەرمی: ڕێکخراوی نێودەوڵەتیی کۆچ ڕایگەیاند: "ڕووداوێکی تراژیدی لە کەناراوەکانی یەمەن ڕوویدا، دوێنێ بەلەمێک بە 260 سەرنشینەوە نوقم بوو، 39 كەس گیانیان لەدەستدا و 150 كەس بێسەروشوێن بوون و 71 كەسیش ڕزگاریان بوو". 

 

ئەوەی پێویستە بیزانیت: شەڕ و پێکدادانە ناوخۆییەکان، هەژاری و بێکاری و هەروەها کارەساتە سرووشتییەکان هۆکاری سەرەکیی کۆچە لەو وڵاتانی ئەفریقا. 

 

باکگراوند: ساڵی 2023 لانیکەم 698 کۆچبەر لەو ڕێگەیە گیانیان لەدەستداوە.