سەرۆکی کۆریای باشوور باری لەناکاوی سەربازیی لە وڵاتەکەی ڕاگەیاند و پەرلەمانی داخست

ئاڤا نیوز

 

دوای ئەوەی پارتی دیموکراتی ئۆپۆزیسیۆنی کۆریای باشوور داوای دوورخستنەوەی گەورە داواکاری گشتیی وڵاتەکەی کرد، هاوکات پڕۆژە یاسای بوودجەی وڵاتەکەی ڕەتکردەوە، سەرۆکی وڵات باری لەناکاوی سەربازیی ڕاگەیاند.

 

ئەوەی ئێستا ڕوودەدات: یوون سووک یۆڵ، سەرۆکی کۆریای باشوور وتارێکی پێشکەشکرد و گوتی باری لەناکاو ڕادەگەیێنێت و پەڕلەمان هەڵدەوەشێنێتەوە، چونکە ئەمە بۆ وڵاتەکەی زۆر باش و گرنگە و هەروەها سوپای وڵاتەکەشی لە شارە گەورەکاندا بڵاوکردەوە و کاری میدیایشی لە وڵاتەکەی قەدەغەکرد.

 

لەلایەکی دیکە: یوون لە درێژەی قسەکانیدا گوتی: ئەوەی کردویانە بۆ پاراستنی کۆریای باشوورە لە لیبراڵەکان کە زۆرینەی پەرلەمانی پێکدەهێنن، گوتیشی بۆ ڕووبه‌ڕووبوونه‌وه‌ی کۆریای باکوور و نه‌یاره‌ ناوخۆییه‌كانی وڵات، باری نائاسایی یاسای سەربازی ڕادەگەیەنێت.

 

ئەمەش بزانە: کیم یۆنگ هیون، وەزیری بەرگریی کۆریای باشوور، فه‌رمانی كردووه‌ كۆبوونه‌وه‌یه‌كی به‌ په‌له‌ی فەرماندە باڵاکانی وڵاته‌كه‌ی بكرێت. سه‌رجه‌م چالاكییه‌ سیاسییه‌كانیش قه‌ده‌غه‌ كران.