لە کەناراوەکانی لیبیا بەهۆی وەرگەڕانی بەلەمێکەوە دەیان کۆچبەر گیانیان لەدەست دا

ئاڤا نیوز

بەلەمێکی کۆچبەران بە دەیان سەرنشینەوە لە کەناراوەکانی لیبیا وەرگەڕا و 42 کەس بێسەروشوێن بوون.

 

ڕاگەیێنراوی فەرمی: ڕێکخراوی نێودەوڵەتیی کۆچ (IOM) ڕایگەیاند ڕووداوەکە ڕۆژی 8-11-2025 بووە و بەلەمەکە 49 کۆچبەری لەسەر بووە و هەموویان کەوتوونەتە ناو دەریا. لەو ژمارەیە تەنیا حەوت پیاو - چواریان خەڵکی سودان، دوو کەس لە نەیجیریا و یەکێکیان خەڵکی کامێرون - ڕزگارکران. 

 

زانیاریی زیاتر: تا ئێستا 42 کەس بێسەروشوێنن و وا گریمانە دەکرێت کە گیانیان لەدەستدابێت.

 

ئەمەش بزانە: لە ناو کۆچبەرەکاندا 29 کەسیان خەڵکی سودان و هەشت کەسیان خەڵکی سۆماڵ و سێ کەسیان خەڵکی کامێرون و دوو کەسیان خەڵکی نەیجیریا بوون. 

 

ژمارەکان وا دەڵێن: تەنیا ئەمساڵ زیاتر لە هەزار کۆچبەر لە دەریای ناوەڕاست و لە ڕێگەی گەیشتنیان بە ئەوروپا گیانیان لەدەست داوە.