لقی یەکێک لە بەناوبانگترین براندەکانی بێرگەر لە هەولێر دەکرێتەوە

ئاڤا نیوز

براندە بەناوبانگەکەی شێفی جیهانی گۆردن ڕامزی بە ناوی "ستریت بێرگەر" لە "ئەربیل ئەڤێنیو" لە شاری هەولێر کرایەوە و لە یەکەم ڕۆژەکانی دەستبەکاربوونییەوە پێشوازییەکی بێوێنەی لێ دەکرێت.

چیرۆکی سەرەکی: ستریت بێرگەر، براندێکی بەریتانییە و لە لایەن شێفی بەناوبانگی جیهانی گۆردن ڕامزی لە لەندەن دروست کراوە. ئەم براندە لە وڵاتانی پێشکەوتووی جیهان لقی هەیە و ناوبانگێکی زۆری هەیە، ماوەیەکە لە هەولێر لە پڕۆژەی ئەربیل ئەڤێنیو کراوەتەوە، ڕۆژانە خەڵکێکی زۆر بۆ تاقیکردنەوەی تام و چێژی ئەم بێرگەرە نۆرە دەگرن.

شێف گۆردن ڕامزی بەهۆی شارەزاییە زۆرەکەی لە بواری خواردەمەنی، پێکهاتەیەکی نوێی لە بێرگەرەکاندا داهێناوە کە لە ڕووی تام و کوالیتییەوە لە پلەی یەکەمدایە و دەنگدانەوەی زۆری هەبووە.

لێدوانی فەرمی: شێف گۆردن ڕامزی لە پەیامێکی ڤیدیۆییدا دەربارەی کردنەوەی لقی چێشتخانەکەی لە هەرێمی کوردستان ڕایگەیاند: "خۆشحاڵم لە هەولێر چێشتخانەکەم کراوەتەوە و بەمزووانە خۆم دێم و لەوێ دەتانبینم."