شێخ دارا: لەسەرتاسەری هەرێمی کوردستان بەفر دەبارێت

ئاڤا نیوز

شەپۆلێکی بەفر و بارانبارین ڕوو لە هەرێمی کوردستان دەکات و شێخ دارا  لەمبارەیەوە دەڵێت "بەفربارین دەگاتە سەنتەری شارەکان."

چیرۆکی سەرەکی: بەگوێرەی پێشبینییەكانی بەڕێوەبەرایەتیی گشتیی كەشناسی و بوومەلەرزەزانی هەرێمی كوردستان، شەپۆلێكی بەفربارین لە شەوی پێنجشەممە 22ـی یەكەوە، زۆربەی ناوچەكانی هەرێمی كوردستان دەگرێتەوە و كاریگەریی شەپۆلەكە تاوەكو بەرەبەیانی ڕۆژی شەممە بەردەوام دەبێت.

لێدوانی فەرمی: شێخ دارا، شارەزا و پێشکەشکاری کەشوهەوا، لە ئاڤا میدیا ڕایگەیاند: ڕۆژی پێنجشەممە کەشوهەوا ئاساییە، بەڵام ڕۆژی هەینی بەفرباین لەسەرتاسەری هەرێمی کوردستان دەبێت و دەگاتە سەنتەری شار و شارۆچکەکان.

شێخ دارا، دەڵێت: "تاوەکو کۆتایی مانگی یەک شەپۆلێکی دەریای سپی ناوەڕاست دێتە ناوچەکانمان و بارانبارینی لەگەڵدا دەبێت، هەروها پلەکانی گەرما بەرزدەبێتەوە و ئەم سەرمایەی هەیە نامێنێت."

زانیاریی زیاتر: ئەمڕۆ پلەکانی گەرما بەم جۆرە بووە:

٠ هەولێر بەرزترین پلە 8 و نزمترین پلە 1 بووە

٠ سلێمانی بەرزترین پلە 4 و نزمترین پلە 3- بووە

٠ کەرکووک بەرزترین پلە 8 و نزمترین پلە 2- بووە

٠ دهۆک بەرزترین پلە 1- و نزمترین پلە 12- بووە

٠ هەڵەبجە بەرزترین پلە 4 و نزمترین پلە 6- بووە

٠ ئیدارەی سەربەخۆی گەرمیان بەرزترین پلە 9 و نزمترین پلە 1- بووە

٠ ئیدارەی سەربەخۆی سۆران بەرزترین پلە 2-و نزمترین پلە 12- بووە

٠ ئیدارەی سەربەخۆی زاخۆ بەرزترین پلە 5 و نزمترین پلە 2 بووە

٠ ئیدارەی سەربەخۆی ڕاپەڕین بەرزترین پلە 4 و نزمترین پلە 4- بووە