ئێران ئاماری گیانلەدەستدانی خۆپیشاندانەکان بڵاودەکاتەوە

ئاڤا نیوز

ئەنجوومەنی ئاسایشی ئێران ڕایگەیاند، لە ناڕەزایەتی و خۆپیشاندانەکانی شەوانی 8 و 9ی ئەم مانگەدا 3 هەزار و 117 کەس کوژراون، ڕێکخراوەکانی مافی مرۆڤیش باس لە کوژرانی ژمارەیەکی زۆر زیاتر دەکەن.

وێنە گەورەکە: دوای ئەوەی شەپۆلی ناڕەزایەتییەکان شارەکانی ئێرانی گرتووەتەوە، هاووڵاتیان بەهۆی گرانی و بێکاریی ڕژانە سەر شەقامەکانی ئێران و بەم هۆیەوە ژمارەیەکی زۆری خۆپیشاندەر لە کاتی گرژی و ڕووبەڕووبوونەوەیان لەگەڵ هێزە ئەمنییەکان گیانیان لەدەست دا.

ڕاگەیێنراوی فەرمی: ئەنجوومەنی ئاسایشی ئێران ڕایگەیاند، لە ناڕەزایەتییەکانی شەوانی 8 و 9ی ئەم مانگەدا 3 هەزار و 117 کەس کوژراون. لە کۆی کوژراوەکان، 2 هەزار و 427 کەسیان وەک "خەڵکی بێتاوان و پارێزەرانی ئاسایش" پۆلێن کراون. بەگوتەی  ئەنجوومەنئ ئاسایشی ئێران، ئەو کەسانە بە دەستی "تیرۆریستان" کوژراون.

ئەنجوومەنی ئاسایشی ئێران دەڵێت: "خۆپیشاندانەکانی ئەو دوو ڕۆژە، تێکدانی بارودۆخی ئەمنی شارەکانی ئێران بووە."

٠ خۆپیشاندەران دژی شوێنە گشتییەکان و موڵکی خەڵک توندوتیژیی ڕەها و هێرشی چەکداریی ڕێکخراویان بەکارهێناوە.

لەلایەکی دیکەوە: عەلی ئەکبەر پوورجەمشیدیان، سکرتێری ئەنجومەنی ئاسایشی ئێران، لە لێدوانێکدا بۆ تەلەفزیۆنی فەرمیی ئێران ڕایگەیاند: "دوژمنان پیلانی نیمچە کودەتایان داڕشتبوو و بەرنامەیان هەبوو کار لەسەر ڕووخانی ڕژێم بکەن."

زانیاریی زیاتر: بەگوێرەی ڕێکخراوەکانی مافی مرۆڤ، ژمارەی قوربانیان زۆر لەوە زیاترە کە حکومەت بڵاویکردووەتەوە. ئاژانسی هرانا دەڵێت: "تاوەکو ئێستا کوژرانی 4 هەزار و 251 خۆپیشاندەر پشتڕاست کراوەتەوە و لێکۆڵینەوە لە گیان لەدەستدانی 9 هەزار و 49 کەسی دیکە دەکرێت.