سەرۆک بارزانی و پاپای ڤاتیکان دیاری پێشکەش بە یەکتر دەکەن

ئاڤا نیوز

سەرۆک بارزانی لە چوارچێوەی سەردانەکەی بۆ ئیتاڵیا دوو دیاری پێشکەشی پاپا لویسی چواردەیەم کرد، ئەویش دوو دیاری بە سەرۆک بارزانی بەخشی.

چیرۆکی سەرەکی: ڕۆژی چوارشەممە، بەسەردانێکی فەرمی سەرۆک بارزانی گەیشتە ئیتاڵیا و بە مەبەستی دروست کردنی پاڵپشتی بۆ ڕۆژئاوای کوردستان، لەگەڵ پاپای ڤاتیکان و جێگری سەرۆکوەزیرانی ئیتاڵیا کۆبووەوە.

لێدوانی فەرمی: ئانۆ جەوهەر، وەزیری گواستنەوە و گەیاندن کە یاوەری سەرۆک بارزانییە لەو سەردانە بە ئاڤای گوت، "یەکێک لە دیارییەکانی سەرۆک بارزانی ئەلبوومێکی پڕ لەوێنە بوو گوزارشتی لە شۆڕشی کورد دەکرد تا دەگات بە ڕووبەڕووبوونەوە و شەڕ و داستانەکانی پشمەرگەی کوردستان دژ بە داعش و پاراستنی پێکهاتە و ئایینە جیاوازەکانی هەرێمی کوردستان. دیاریی دووەم تابلۆیەک بوو لۆگۆ و هێمای پەرستشی سەرجەم ئایینەكانی هەرێمی كوردستانی تێدابوو لە نموونەی ئیسلام و مەسیحی و ئێزدی و زەردەشتی، وەک گوزارشتێک بۆ پێکەوەژیانی ئاینەکان."

گوتیشی، ئەو دوو دیارییەی پاپای ڤاتیکان بە سەرۆک بارزانی بەخشی، یەکێکیان میدالیایەک بوو کە دەدرێت بە کەسایەتییە باڵاکانی جیهان، دیاری دووەم کتێبک بوو لەسەر مێژووی ڤاتیکان و کڵێسای پێتریۆس."