بۆ یەکەمین جار فێستیڤاڵی کورتە فیلمی کوردی لە ئەڵمانیا بەڕێوە دەچێت

ئاڤا نیوز

 

بۆ یەکەمین جار فێستیڤاڵی کورتە فیلم (دیداری فیلمی کوردی) بە بەشداریی 18 کورتە فیلم و بە سەرپەرشتی ئەمیر تەها  لە شاری دۆرێن لە ئەڵمانیا بەڕێوە دەچێت. 

 

لێدوانی تایبەت: شاخەوان موستەفا، بەڕێوەبەری سینەمای هەولێر بە ئاڤا نیوزی گووت:  "بۆ یەکەم جار ئەمیر تەها کە خەڵکی هەولێرە و دانیشتوویی ئەڵمانیایە، بە سازکردنی فێسیڤاڵی 'دیداری فیلمی کوردی' بانگهێشتی فیلمسازانی هەر چوارپارچەی کوردستان دەکات کە بە فیلمەکانییان بەشداری فێستیڤاڵەکە بکەن."

 

ژمارەکان وادەڵێن: تائێستا 18 کورتە فیلم بەشدارییان کردووە و بڕیارە فێستیڤاڵەکە لە ڕێکەوتی 6ـی مانگی حوزەیران دەست پێ بکات و بۆ ماوەی سێ ڕۆژ بەردەوام دەبێت.