ئیگڵ پۆست؛ پڕۆژە نێودەوڵەتییەکە چۆن کار دەکات؟

ئاڤا نیوز

 

بەڕێوەبەری گشتیی 'ئیگڵ کراون هۆڵدینگ' ئاماژە بەوە دەدات، لەڕێگەی خزمەتگوزارییەکەیانەوە بە کەمترین تێچوو هاونیشتمانیان دەتوانن بەبێ کێشە و لە زووترین کاتدا، کەلوپەلەکانیان لە دەرەوە بهێننەوە هەرێمی کوردستان و بە پێچەوانەشەوە.

 

وێنە گەورەکە: ئەمڕۆ یەکشەممە 09-06-2024، سەرۆکوەزیران بارزانی، سەنتەری ئیگڵ پۆستی لە هەرێمی کوردستان بۆ ئاڵوگۆڕی پۆستە لەسەر ئاستی ناوخۆ و نێودەوڵەتی کردەوە و لە سەرجەم پارێزگاکان نووسینگەی دەبێت.

 

لێدوانی فەرمی: د. هەڵۆ تاڵەبانی، بەڕێوەبەری گشتیی ئیگڵ کراون هۆڵدینگ بە ئاڤا نیوزی ڕاگەیاند، "جگە لە دانانی سندووقی گەیاندن، کارتی گەیاندن بۆ هاووڵاتیان دروست دەکرێت لە هەموو جیهان بەکاردێت بۆ ناردن و وەرگرتنی پارە".

 

زانیاریی زیاتر: وێبسایتی تایبەت بە سەنتەری ئیگڵ پۆست تەرخان کراوە، لەنێو وێبسایتەکە ئەدرێسی کۆگاکان دانراوە کە هاووڵاتی ئەدرێسەکە لەگەڵ IPـەکەی خۆی پەیوەست دەکات.

 

ئەوەی پێویستە بیزانیت: گەیاندنی پۆستە لە وڵاتانی دەرەوە بۆ هەرێمی کوردستان سێ بۆ 10 ڕۆژ دەخایەنێت، بەگوێرەی قەبارەی پۆستەکە پارە هەژمار دەکرێت.