تەکنەلۆژیایەکی نوێ دووبارە قسەکردن بۆ پیاوێک دەگەڕێنێتەوە

ئاڤا نیوز

پیاوێکی تووشبووی نەخۆشیی ئیفلیجی دەمارەکان، بەهۆی کۆمپیوتەرێکەوە کە چالاکییەکانی مێشک دەگۆڕێت بۆ دەق و دەنگ، دەتوانێت دووبارە قسە بکاتەوە.

 

وێنە گەورەکە: لە زانکۆی UC Davis Healthی ئەمریکا، توێژەران تەکنەلۆژیای (BCI)ـیان ناساند کە دەتوانێت سیگناڵەکانی مێشکی مرۆڤ لێکبداتەوە و بۆ دەنگ بیانگۆڕێت، کاتێک بەکارهێنەر هەوڵی قسەکردن دەدات، تەکنەلۆژیاکە تا ڕێژەی 97% دەتوانێت قسەکانی بەکارهێنەر وەربگرێت.

چیرۆکی سەرەکی: کاسی هارێل تەمەن 45 ساڵ کە تووشبووی نەخۆشیی ئیفلیجی دەمارە، یەکەم بەکارهێنەری ئامێرەکە بوو و چەند خولەکێک تاقیکردنەوەی بەسەرکەوتوویی لەسەر کرا، سیستەمەکە توانی قسەکانی بگۆڕێت بۆ نووسین و دواتر بۆ دەنگ.

زانیاریی زیاتر: ئامێرەکە لە سەر دەبەسترێت و  چالاکییەکانی مێشک لێکدەداتەوە، بەجۆرێک کاتێک بەکارهێنەر هەوڵی قسەکردن دەدات دەیگۆڕێت بۆ دەنگ.

بۆچی گرنگە: هیوایەک بە تووشبووانی نەخۆشیی ئیفلیجی دەمار و ئەو کەسانە دەدات بە هەر هۆکارێک بێت نەتوانن قسە بکەن.