باشترین فۆتۆگرافەری ساڵ دەستنیشان کرا

ئاڤا نیوز

 

ڕایان ئیمپێریۆ بەهۆی وێنەیەکی خۆرگیرانی بازنەییەوە کە ساڵی 2023 گرتبووی، لە ڕوانگەی شاهانەی گرینویچ بە باشترین فۆتۆگرافەری فەلەکناسی دەستنیشان کرا.

 

چیڕۆکی سەرەکی: براوەی گشتی پێشبڕکێیەکە، ڕایان ئیمپێریۆ لە 14-10-2023 لە ویلایەتی تێکساس لە ئەمریکا، وێنەی سەرنجڕاکێشی خۆرگیرانی گرتبوو، وێنەکان زیاتر لە 30 وێنەی جیاوازی خۆری لەخۆگرتبوو، وەک براوەی فۆتۆگرافەری فەلەکناسی هەڵبژێردرا.

 

‎لێدوانی فەرمی: ئیمپریۆ، کە لە پێشبڕککەدا 10 هەزار پاوەندی بردەوە، ڕایگەیاند "هەرگیز چاوەڕوانی ئەوەم نەکردبوو بە باشترین فۆتۆگرافەری ساڵ هەڵبژێردرێم، هەستێکی خۆشە و شانازی بە خەڵاتەکە دەکەم". 

 

ئەمەش بزانە: بۆ پێشبڕکێی باشترین فۆتۆگرافەری فەلەکناسیی ساڵی 2024، زیاتر لە سێ هەزار و 500 کەس لە 58 وڵاتەوە بەشدار بوون،  پێشبڕکێیەکە پێشانگایەکی ساڵانەی فۆتۆگرافی فەلەکناسی لەخۆدەگرت کە ساڵانە لەلایەن ڕوانگەی شاهانەی گرینویچ ڕێکدەخرێت. ئەم پێشبڕکێیە لە ساڵی 2009 ەوە دەستیپێکردووە.