تەیلەر سویفت بەردەوامە لە شکاندنی ڕیکۆردەکان

ئاڤا نیوز

تەیلەر سویفت، گۆرانیبێژی بەناوبانگی ئەمریکی بەردەوامە لە شکاندنی ڕیکۆردەکان، جیا لەوەی ئەم هونەرمەندە یەکێکە لەوانەی زۆرترین خەڵاتی لە بواری میوزیک بەدەستهێناوە، لە ماوەی ڕابردوودا ئەلبوومێکی نوێ بڵاوکردەوە کە ماوەی زیاتر لە مانگێکە، پلەی یەکەمی بیلبۆردی گرتووە.

وێنە گەورەکە: تەیلەر ئەلیسۆن سویفت، لەدایکبووی 1989,گۆرانیبێژی ئەمریکییە و یەکێکە لە ناسراوترین هونەرمەندانی جیهان، ئەم گۆرانیبێژە خاوەنی ژمارەیەکی پێوانەیی زۆری خەڵاتە، لەوانە 14 خەڵاتی گڕامی (لەوانەش چوار جار خەڵاتی باشترین ئەلبوومی ساڵ)، کە ئەمەش وایکردووە کاریگەرییەکی گەورەی لەسەر کولتووری پۆپ و پیشەسازیی مۆسیقا هەبێت.

زانیاریی زیاتر:  نوێترین ئەلبوومی بەناوی The Life of a Showgirl، کە بەواتای ژیانی کچە نمایشکارێکە، ماوەی زیاتر لە یەک مانگە لە لیستی یەکەمی بیلبۆردی ئەمریکا ماوەتەوە نەک تەنیا ئەلبوومەکە بەڵکو یەکێک تراکەکانی ئەم ئەلبوومەش هەر لە ڕیزبەندی یەکەم دایە.

ئەمەش بزانە: ئەم دەستکەوتەی سویفت لەکاتێکدایە، لە مێژووی بیلبۆردە جیاوازەکانی ئەمریکا، هیچ هونەرمەندێک پلەی یەکەمی بۆ باشترین ئەلبووم و تراک بۆ ماوەی زیاتر لە یەک مانگ بەدەستنەهێناوە.