واشنتن پۆست: ئەمریکا بیر لە دەرهێنانی تەحریرولشام لە لیستی تیرۆر دەکاتەوە

ئاڤا نیوز 

کاربەدەستێکی باڵای ئەمریکی ڕایدەگەیێنێت، ئەگەری هەیە ئەمریکا دەستەی تەحریرولشام لە لیستی تیرۆر دەربهێنێت بە ئامانجی مامەڵەکردن لەگەڵی بۆ دڵنیابوون لە بەرقەراربوونی سەقامگیریی لە سووریا.

 

وێنە گەورەکە: دەستەی تەحریرولشام، وەک هێزێکی ئۆپۆزیسیۆنی سووریا کە کۆتایی بە دەسەڵاتەکەی بەشار ئەسەد لە وڵاتەکە هێنا، لەلایەن ئەمریکا و نەتەوە یەکگرتووەکان و چەندین وڵاتی ڕۆژئاوایی وەک ڕێکخراوێکی تیرۆریستی بیانی دەستنیشان کراوە.

 

زانیاریی بەدەستهاتوو: کاربەدەستێکی باڵای ئەمریکی بە ڕۆژنامەی واشنتن پۆستی ڕاگەیاند: ئەگەری هەیە ئەمریکا دەستەی تەحریرولشام لە لیستی تیرۆر لاببات و ئامانج لەو هەنگاوەش مامەڵەکردنە لەگەڵ ئەو دەستەیە بۆ دڵنیابوون لە سەقامگیریی لە سووریا.

 

ئەوەی پێویستە بیزانیت: لە ساڵی 2018دا، ئەمریکا 10 ملیۆن دۆلاری بۆ دەستگیرکردنی ئەبو محەممەد جۆلانی سەرکردەی تەحریرولشام تەرخان کرد.

 

ئەمەش بزانە: ڕۆژی یەکشەممە 08-12-2024 هێزەكانی ئۆپۆزیسیۆنی سووریا گەیشتنە دیمەشقی پایتەختی ئەو وڵاتە و كەوتنی دەسەڵاتی بەشار ئەسەدیان ڕاگەیاند.