ئەگەر هەیە کورسییەکانی هەولێر گۆڕانکاری بەسەردا بێت و پارتی کورسییەکی دیکە ببات

ئاڤا نیوز

کۆمیسیۆنی باڵای سەربەخۆی هەڵبژاردنەکانی عێراق ئەنجامی بەرایی هەڵبژاردنی بڵاوکردەوە، پارتی لەسەر ئاستی پارێزگای هەولێر نۆ کورسی بەدەستهێناوە و بە جیاوازی 33 دەنگ کورسی دەیەمی لەدەستداوە، چەند وێستگەیەک ماون و ئەگەر هەیە گۆڕنکاری بەسەردا بێت.

 

چیرۆکی سەرەکی: پارتی دیموکراتی کوردستان لە بازنەی هەولێر، 269 هەزار و 118 دەنگی هێناوە لە پلەی یەکەمە، تاوەکو ئێستا نۆ کورسی مسۆگەر کردووە، ژمارەیەک وێستگە هەژمار نەکراون و ئەگەر زۆرە پارتی کورسی دەیەمی ئەو بازنەیە بباتەوە و یەکێتی لە سێ کورسییەوە ببێت بە دوو کورسی.

 

پێدراوە ڕاستییەکان؛ بەگوێرەی سیستمی سانتلیگۆ، یەکێتیی نیشتمانیی کوردستان کورسی سێیەمی بە 19 هەزار و 460 دەنگ بردووە، کورسی دەیەمی پارتی 19 هەزار و 427 دەنگە، هێشتا 7 بۆ 8 وێستگە ماون دەنگەکانیان هەژمار بکرێت، ئەگەر هەیە ئەو کورسییە گۆڕانکاری بەسەردا بێت و بۆ پارتی بڕوات.

 

لێدوانی فەرمی: جەعفەر ئیمنیکی، بەرپرسی بەشی هەڵبژاردنی پارتی دیموکراتی کوردستان بە ئاڤای ڕاگەیاند: جیاوازی لەنێوان ئاماری تۆمارکراوی دەنگی ئێمە و ئاماری کۆمیسیۆن لە هەولێر هەیە، بەپێی ئاماری خۆمان بە پسولە تۆمارکراوە 370 هەزار و 489 دەنگمان هەیە، بەڵام بەگوێرەی ئاماری کۆمیسیۆن 369 هەزار و 118 دەنگ تۆمارکراوە، جیاوازییەکە هەزار و 351 دەنگە.

 

ژمارەکان وادەڵێن: بەگوێرەی ئەنجامی بەرایی کۆمیسیۆن 15 کورسییەکەی بازنەی هەولێر، بەمشێوەیە بەسەر لایەنە بەشداربووەکانی هەڵبژاردن دابەش بوون:-

پارتی: نۆ کورسی
یەکێتی: 3 کورسی:
هەڵوێست: 2 کورسی
نەوەی نوێ: یەک کورسی