ئیسرائیل زیاتر لە 400 شوێنی ستراتیژیی سووریای لەناوبردووە

ئاڤا نیوز

 

هەفتەیەکە ئیسرائیل بەچڕی بۆردوومانی پێگە گرنگ و ستراتیژییەکانی سووریای دەستپێکردووە و سنووری وڵاتەکەشی بەزاندووە.

 

وێنە گەورەکە: هەفتەیەکە چەکدارانی ئۆپۆزیسیۆنی سووریا کۆتاییان بە دەسەڵاتی بەشار ئەسەد هێناوە و سوپای ئیسرائیلیش بە تانک و زریپۆشەکانی سنوورەکانی سووریایان بەزاندووە، هاوکات لە ئاسمانەوە بۆردوومانی بنکە و بارەگاکانی وڵاتەکە دەکات.

 

لێدوانی فەرمی: بەدر مەلا ڕەشید، لێکۆڵەر لە ناوەندی لێکۆڵینەوەی ڕامان بە ئاڤا نیوزی ڕاگەیاند: دوای کەوتنی دەسەڵاتی بەشار ئەسەد لە سووریا، ئیسرائیل لەڕێگەی زیاتر لە 400 شوێنی گرنگ و ستراتیژیی وڵاتەکەی لەناو بردووە.

 

ئەمەش بزانە: پێشتر ماتیو میلەر، گوتەبێژی وەزارەتی دەرەوەی ئەمریکا لەبارەی ئۆپەراسیۆنەکانی ئیسرائیل گوتی: "ئۆپەراسیۆنەکەی ئیسرائیل کاتییە و وڵاتەکە بەرگری لە سنوورەکانی دەکات و ئەمانە کردەی سەربازی بەردەوام نین. هاوکات ئێمە پشتیووانی هەموو لایەنەکان دەکەین بۆ جێبەجێکردنی پابەندییەکانی ڕێککەوتنی ساڵی 1974 کە لەبارەی هێڵی جیاکردنەوەی سنووری وڵاتەکەی لەگەڵ سووریا بوو".