ترەمپ: زیانەکانی ئاگرەکەی کالیفۆرنیا هێندەی هێرشێکی ئەتۆمیە

ئاڤا نیوز

دۆناڵد ترەمپ، سەرۆکی هەڵبژێردراوی ئەمریکا، زیانەکانی ئەو وێرانکارییەی لە ئەنجامی ئاگرکەوتنەوەکانی لۆس ئانجلس ڕوویانداوە بەراورد دەکات بە زیانەکانی هێرشێکی  ئەتۆمی.

 

وێنە گەورەکە: لە هەفتەی ڕابردووەوە ئاگرێکی گەورە لە لۆس ئانجلسی ویلایەتی کالیفۆرنیا کەوتووەتەوە، کە بەهۆیەوە 24 کەس گیانیان لەدەستداوە و زیاتر لە 16 هەزار هێکتار زەوی سووتاوە، هاوکات 12 هەزار و 300 خانوو و باڵەخانە وێرانبوون.

 

لێدوانی فەرمی: دۆناڵد ترەمپ، سەرۆکی هەڵبژێردراوی ئەمریکا ڕایگەیاند: دۆخی لۆس ئانجلس زۆر لەوە خراپترە کە لە میدیاکان باس دەکرێت، زیانی ئاگرەکان لەوە زیاترە ئەگەر بە چەکی ئەتۆمی هێرشمان  کرابایە سەر.

 

کاریگەریی و لێکەوتەکان: بەپێی خەمڵاندنەکانی دەسەڵاتدارانی ئەمریکا قەبارەی زیانەکانان نزیکەی 275 ملیار دۆلارە.

 

ئەمەش بزانە: ماڵی هەر یەکە لە هەنتەر بایدن، کوڕی جۆ بایدن، سەرۆکی ئەمریکا  و پاریس هیڵۆن، ئەکتەری ئەمریکی و چەندین کەسایەتی دیکەی ئەمریکا لە ئاگرەکەی کالیفۆرنیا وێران بوون.