لەسەر پرسی ئێران گرژیی لەنێوان ترەمپ و نەتانیاهۆ دروست دەبێت

ئاڤا نیوز

ڕۆژنامەیەکی ئیسرائیلی وردەکاریی پەیوەندییەکەی ترەمپ و نەتانیاهۆ سەبارەت بە ئاگربەستی نێوان ئێران و ئیسرائیل ئاشکرا دەکات و دەڵێت نابێت هیچ کەسێک ئاگربەستەکە تێکبدات.

چی ڕوودەدات: دوای ڕاگەیاندنی ئاگربەستی نێوان ئێران و ئیسرائیل ترەمپ، پێش ئەوەی بەرەو هۆڵەندا بەڕێکەوێت بەمەبەستی بەشداریکردن لە لووتکەی ناتۆ، قسەی بۆ میدیاکان کرد و نیگەرانی خۆی دەربڕی لەوەی ئیسرائیل و ئێران ئاگربەستیان پێشێل کردووە و دووبارە هێرشیان کردووەتە سەر یەکتر.

زانیاریی بەدەستهاتوو: ڕۆژنامەیەکی ئیسرائیلی ' جيروزاليم ' وردەکاریی پەیوەندنی تەلەفۆنی نێوان نەتانیاهۆ و ترەمپ ئاشكرا دەکات و دەڵێت،''دوێنی سێشەممە 24-6-2025 هەردوولا قسەیان کردووە، ترەمپ دەنگی خۆی لەسەر نەتانیاهۆ بەرزکردەوە و داوای کردووە ئاگربەستەکە جێبەجێبکات، تەنانەت نەتانیاهۆ زۆر بە ئەستەم توانیوویەتی وەڵامی ترەمپ بداتەوە، هەرچەندە چەندین جار سوپاسگوزاری خۆی بۆی دووبارەکردووەتەوە. ''

زانیاریی زیاتر: ترەمپ لە کۆتایی قسەکانیدا ئاشكرای کردووە کە نابێت ئاگربەستەکە تێکبدات

کاریگەری و لێکەوتەکان: دوای لێدوانەکەی ترەمپ سەبارەت بە ئاگربەست نووسینگەی سەرۆکوەزیرانی ئیسرائیل بڵاویکردەوە: نەتانیاهۆ بڕیاریداوا هێرشەکانی ئیسرائیل بۆ سەر ئێران کەم بکاتەوە، ئەمەش دوای لێدوانەکەی ترەمپ کە گوتی لە ئیسرائیل و ئێران ناڕازییە.