ئامانج هەركی: كارەبای عێراق لە 25 هەزار مێگاواتەوە بووەتە 800 مێگاوات

ئاڤا نیوز

ئامانج هەركی، ئەندامی كوردی لیژنەی وزەی پەرلەمانی عێراق هۆكاری كوژانەوەی كارەبای زۆرینەی پارێزگاكانی عێراق ئاشكرا دەكات و ڕایدەگەیێنێت بەو هۆیەوە كارەبای عێراق لە 25 هەزار مێگاواتەوە بووە بە 800 مێگاوات.

چیرۆکی سەرەکی: دوای نیوەڕۆی ئەمڕۆ دووشەممە کوژاندنەوەیەکی گشتیی لە کارەبای نیشتمانی لە بەشی زۆری پارێزگاکانی عێراق ڕوویدا. 

لێدوانی فەرمی: ئامانج هەركی،  ئەندامی لیژنەی وزە لە پەرلەمانی عێراق بە ئاڤا میدیای ڕاگەیاند: بەپێی بەدواداچوونی لیژنەكەمان، گرفتێكی تەكنیكی لە هێڵی گواستنەوەی فوڕاتی ناوەڕاست لە ناوچەی حیللە ڕووی داوە و بووەتە هۆی كوژانەوەی كارەبای تەواوی عێراق،  هۆكاری گرفتەكەش بەرزبوونەوەی پلەی گەرما و گوشاری زۆر بووە لەسەر هێڵەكە.

- ئێستا نزیكەی سەرجەم پارێزگاكانی عێراق بێ كارەبای نیشتمانین و دامەزراوەی كۆنتڕۆڵی كارەبا سەرقاڵی چارەسەركردنی گرفتەكەن و وردە وردە وێستگەكانی كارەبا دەخەنەوە كار.

- بەهۆی ئەو گرفتەوە كارەبای عێراق لە كۆی زیاتر لە 25 هەزار مێگاوات دابەزیوە بۆ 800 بۆ 900 مێگاوات كارەبا.