بافڵ تاڵەبانی: جەخت لە تەبایی یەكێتی و پارتی دەكەینەوە

ئاڤا نیوز

بافڵ جەلال تاڵەبانی، جەخت لە تەبایی نێوان یەكێتی و پارتی و سەرجەم هێز و لایەنە سیاسییەكانی دیكەی كوردستان دەكاتەوە لەپێناو بەهێزتركردنی قەوارەی هەرێمی كوردستان و باشتركردنی بژێوی خەڵكی.

چیرۆكی سەرەكی: جیا لە پیرۆزبایی مەكتەبی سیاسیی یەكێتی نیشتمانی كوردستان بۆ ساڵیادی دامەزراندنی پارتی دیموكراتی كوردستان، نووسینگەی سەرۆکی یەکێتیی نیشتمانی کوردستان، پیرۆزبایی ئاڕاستەی سەرۆك بارزانی دەكات و پیرۆزبایی ساڵیادی 79ـەمین ساڵیادی دامەزراندنی پارتی دیموکراتی کوردستان دەکات.

ڕاگەیێنراوی فەرمی: بافڵ تاڵەبانی، بڵاویكردووەتەوە، "بەبۆنەی 79ـەمین ساڵیادی دامەزراندنی پارتی دیموكراتی كوردستان، پیرۆزبایی گەرم لە بەڕێزتان، جێگرانی سەرۆکی پارتی، سەرکردایەتی، ئەندامان و جەماوەری پارتی دیموکراتی کوردستان دەکەم و هیوای سەرکەوتنتان بۆ دەخوازم".

زانیاریی زیاتر: هەر لە پەیامەكەیدا، سەرۆکی یەکێتیی نیشتمانیی کوردستان جەختیکردووەتەوە لە هەماهەنگی و تەبایی نێوان یەکێتیی نیشتمانیی کوردستان و پارتی دیموکراتی کوردستان و سەرجەم هێز و لایەنە سیاسییە کوردستانییەکان ، لەپێناو کارکردنی پێکەوەیی و راپەڕاندنی ئەرکە نیشتمانی و چارەنووسسازەکان و بەهێزترکردنی قەوارەی هەرێمی کوردستان و باشترکردنی ژیانی خەڵکی کوردستان.